தீராத லாட்டரி மோகம் - தனியாத அதிர்ஷ்ட தாகம் ! கோடிகளை அடைய நினைத்த முதியவர் - கோடிகளை இழந்த பரிதாபம் !!

by satheesh on | 2026-09-30 01:44 PM

Share:

தீராத லாட்டரி மோகம் - தனியாத அதிர்ஷ்ட தாகம் ! கோடிகளை அடைய நினைத்த முதியவர் - கோடிகளை இழந்த பரிதாபம் !!

60 ஆண்டுகளாகத் தொடரும் லாட்டரி மோகம்: ₹2 கோடியை இழந்து 5 மூட்டைகளில் டிக்கெட்டுகளைக் குவித்து வைத்துள்ள கேரளா முதியவர்!

அதிர்ஷ்டத்தை மட்டுமே நம்பி வாழ்க்கையை நடத்தி விடலாம் என்ற எண்ணத்தில், லாட்டரி சீட்டுகளுக்காகத் தனது வாழ்நாள் சேமிப்பான ₹2 கோடிக்கும் அதிகமான பணத்தை ஒரு நபர் செலவிட்டுள்ள வினோதச் சம்பவம் கேரளாவில் வெளிச்சத்திற்கு வந்துள்ளது. படித்தவர்கள் அதிகம் வாழும் மாநிலமாகக் கருதப்படும் கேரளா மாநிலத்தில், 80 வயதான முதியவர் ஒருவர் கடந்த 60 ஆண்டுகளாக லாட்டரி சீட்டுகளைத் தொடர்ச்சியாக வாங்கி வருவது அனைவரையும் வியப்பில் ஆழ்த்தியுள்ளது. விவசாய நிலம் மற்றும் மனைவியின் நகைகள் இழப்பு: கேரள மாநிலம் கண்ணூர் மாவட்டம் கரிவெல்லூர் அருகே உள்ள பாலக்குண்ணு பகுதியைச் சேர்ந்தவர் பி.பி. ராகவன் (வயது 80). விவசாயியான இவர், கடந்த 1967-ஆம் ஆண்டிலிருந்து அதிர்ஷ்டத்தை நம்பி லாட்டரி சீட்டுகளை வாங்கத் தொடங்கினார். என்றாவது ஒரு நாள் மிகப்பெரிய பம்பர் பரிசு அடித்துத் தனது வாழ்க்கை ஒரே நாளில் மாறிவிடும் என்ற தீவிர நம்பிக்கையில், தனது சொந்த விவசாய நிலத்தையும், மனைவியின் தங்க நகைகளையும் இழந்து லாட்டரிக்காகப் பணத்தைச் செலவிட்டுள்ளார்.

பரிசுகளும் தொடரும் கடன் தொல்லையும் : இதுவரை சுமார் ₹2 கோடி வரை லாட்டரி சீட்டுகளுக்காகச் செலவழித்துள்ள ராகவனுக்கு, சில முறை மட்டுமே ஆயிரக் கணக்கிலான சிறிய பரிசுகள் கிடைத்துள்ளன. இதனால் கடும் கடன் சுமைக்கு ஆளான போதிலும், மனம் தளராமல் இன்றளவும் தினமும் லாட்டரி சீட்டுகளை வாங்குவதை அவர் நிறுத்தவில்லை.

வீட்டில் 5 மூட்டை பழைய லாட்டரி சீட்டுகள் : தான் வாங்கிய லாட்டரி சீட்டுகளை வீணாகத் தூக்கி எறியாமல், நினைவாகத் தனது வீட்டிலேயே மூட்டை மூட்டையாகச் சேமித்து வைத்துள்ளார். தற்போது அவரது வீட்டில் சுமார் 5 பெரிய மூட்டைகள் நிறையப் பழைய லாட்டரி சீட்டுகள் நிரம்பி வழிகின்றன. 60 ஆண்டுக் கால லாட்டரி மோகத்தால் வாழ்வாதாரத்தையே இழந்து கடனில் மூழ்கியிருந்தாலும், பம்பர் பரிசு கனவு அவரை விட்டு இன்னும் விலகவில்லை.

இணை ஆசிரியர் : N.சதீஷ்குமார், பெரியகுளம். தேனி.

WhatsApp Group Join Now