ஏறும் தங்கம்...! இறங்கும் வெள்ளி..! புதிய சாதனை..!

by Vignesh Perumal on | 2026-02-24 10:59 AM

Share:

ஏறும் தங்கம்...! இறங்கும் வெள்ளி..! புதிய சாதனை..!

தமிழகத்தில் தங்கம் விலை நாளுக்கு நாள் விண்ணைத் முட்டி வரும் நிலையில், இன்று மீண்டும் விலை உயர்ந்து நகை வாங்குவோரைத் திகைக்க வைத்துள்ளது. அதேவேளையில், நேற்று வரலாறு காணாத உச்சத்தைத் தொட்ட வெள்ளியின் விலை இன்று அதிரடியாகச் சரிந்துள்ளது.

சென்னையில் ஆபரணத் தங்கத்தின் விலை இன்று (பிப்ரவரி 24, 2026) மீண்டும் உயர்வைக் கண்டுள்ளது. சவரனுக்கு உயர்வு ரூ.240, ஒரு சவரன் தங்கம் ரூ.1,19,120, கிராமுக்கு உயர்வு ரூ.30, ஒரு கிராம் தங்கம் ரூ.14,890 விலைக்கு விற்பனை செய்யப்படுகிறது.

நேற்று ஒரு சவரன் ரூ.1.18 லட்சத்தைக் கடந்திருந்த நிலையில், இன்று ரூ.1.19 லட்சத்தையும் கடந்து, மிக விரைவில் ரூ.1.20 லட்சத்தைத் தொடும் நிலையை எட்டியுள்ளது. இது சாமானிய மக்களின் திருமணத் திட்டமிடல்களைப் பெரிதும் பாதிக்கும் என அஞ்சப்படுகிறது.

நேற்று ஒரு கிலோ வெள்ளி ரூ.3 லட்சம் என்ற இமாலய விலையைத் தொட்டு அதிர வைத்தது. ஆனால், இன்று சந்தையில் ஏற்பட்ட மாற்றத்தினால் வெள்ளியின் விலை கணிசமாகக் குறைந்துள்ளது. கிராமுக்கு சரிவு ரூ.10, ஒரு கிராம் வெள்ளி ரூ.290, கிலோவுக்கு சரிவு ரூ.10,000, ஒரு கிலோ வெள்ளி ரூ.2.90 லட்சம் (2 லட்சத்து 90 ஆயிரம் ரூபாய்) விற்பனை செய்யப்படுகிறது.

வெள்ளி விலை ஒரே நாளில் கிலோவுக்கு 10,000 ரூபாய் குறைந்திருப்பது, முதலீட்டாளர்கள் மத்தியில் லாப நோக்கிலான விற்பனை (Profit Booking) அதிகரித்துள்ளதைக் காட்டுகிறது.

தங்கம் விலை உயர்ந்து கொண்டே செல்வதற்கு சர்வதேச பொருளாதாரக் காரணிகளும், பாதுகாப்பான முதலீட்டுத் தேடலுமே காரணமாகப் பார்க்கப்படுகிறது. அதேசமயம், வெள்ளி விலை உச்சத்தைத் தொட்டவுடன் ஏற்பட்ட இந்தச் சரிவு, சந்தையில் ஒரு தற்காலிக மாற்றமே தவிர, மீண்டும் விலை உயர வாய்ப்பிருப்பதாகவே பொருளாதார வல்லுநர்கள் கணிக்கின்றனர்.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now