நாங்கள்தான் மீண்டும் மீண்டும்..! முதல்வர் மு.க.ஸ்டாலின் சூளுரை..! முக்கிய அறிவிப்புகள்...!

by Vignesh Perumal on | 2026-01-24 11:44 AM

Share:

நாங்கள்தான் மீண்டும் மீண்டும்..! முதல்வர் மு.க.ஸ்டாலின் சூளுரை..! முக்கிய அறிவிப்புகள்...!

தமிழக சட்டப்பேரவையில் ஆளுநர் உரைக்கு நன்றி தெரிவிக்கும் தீர்மானத்தின் மீதான பதிலுரையில் முதலமைச்சர் மு.க.ஸ்டாலின் இன்று உரையாற்றினார். அப்போது சத்துணவு ஊழியர்களுக்கான சலுகைகள், புதிய வீடுகள் மற்றும் சாலை மேம்பாடு குறித்த அறிவிப்புகளை வெளியிட்டதுடன், ஆளுநர் மற்றும் ஒன்றிய அரசுடனான முரண்பாடுகள் குறித்தும் விரிவாகப் பேசினார்.

தமிழகத்தின் உள்கட்டமைப்பு மற்றும் விளிம்புநிலை மக்களின் வாழ்வாதாரத்தை மேம்படுத்த முதல்வர் நான்கு முக்கிய அறிவிப்புகளை வெளியிட்டார்.

இத்திட்டத்தின் கீழ் மேலும் ரூ.3,500 கோடி மதிப்பீட்டில் 1 லட்சம் புதிய வீடுகள் கட்டித் தரப்படும். ஊரகப் பகுதிகளில் போக்குவரத்தை மேம்படுத்த ரூ.1,088 கோடி செலவில் 2,800 கி.மீ. நீளமுள்ள கிராமச் சாலைகள் புனரமைக்கப்படும்.

ஓய்வூதியம் ரூ.2,000-லிருந்து ரூ.3,400 ஆக உயர்த்தப்படுகிறது. பணி நிறைவின் போது வழங்கப்படும் ஒட்டுமொத்தத் தொகை ரூ.1 லட்சத்திலிருந்து ரூ.2 லட்சமாக இருமடங்காக உயர்த்தப்படுகிறது.

தற்போதைய அரசியல் சூழல் மற்றும் ஆளுநரின் செயல்பாடுகள் குறித்து முதல்வர் தனது ஆதங்கத்தைப் பதிவு செய்தார்.

அறிஞர் அண்ணா, கலைஞர், எம்.ஜி.ஆர், ஜெயலலிதா ஆகியோர் எதிர்கொள்ளாத ஒரு நெருக்கடியை நான் இப்போது எதிர்கொள்கிறேன். அன்றைய காலக்கட்டத்தில் இருந்த ஆளுநர்கள் இப்படியில்லை. கருத்து வேறுபாடுகள் இருந்தாலும், அவர்கள் யாரும் இதயத்தை ரணமாக்கும் வகையில் செயல்பட்டதில்லை.

ஒன்றிய பாஜக அரசு தமிழகத்தை ஓரவஞ்சனையுடன் நடத்துவதாகவும், மாநில உரிமைகளுக்காகத் தான் தொடர்ந்து போராடி வருவதாகவும் அவர் குறிப்பிட்டார். ஆட்சிப் பொறுப்பேற்று இன்றுடன் 1,724 நாட்கள் நிறைவடைகின்றன.

இதுவரை 8,658 நிகழ்ச்சிகளில் பங்கேற்றுள்ளேன். 15,117 அரசு கோப்புகளில் கையெழுத்திட்டுள்ளேன்.

சென்னை தவிர மற்ற மாவட்டங்களுக்கு 173 முறை பயணம் மேற்கொண்டு, 21 மாவட்டங்களில் மாபெரும் நலத்திட்ட விழாக்களில் மக்களுக்கான உதவிகளை வழங்கியுள்ளேன்.

தனது அரசியல் மனநிலை குறித்துப் பேசிய முதல்வர்: "ஆட்சிப் பொறுப்பேற்றபோது பின்னடைவில் இருந்த தமிழகம் மற்றும் ஒத்துழைக்காத ஒன்றிய அரசால் ஒரு பக்கம் கவலை இருந்தது. ஆனால் 5 ஆண்டுகள் கடந்துள்ள நிலையில், இப்போது நான் மிக மிக மகிழ்ச்சியாக இருக்கிறேன். எங்களின் சாதனைகளை நாங்களே மிஞ்சும் வகையில் எங்களின் '2.0 ஆட்சி' அமையும். நாங்கள்தான் மீண்டும் மீண்டும் வெல்வோம்."

மேலும், "என்னைச் சீண்டிப் பார்ப்பவர்கள் தற்காலிகமாக மகிழ்ச்சி அடையலாமே தவிர, அது என்னை ஒன்றும் செய்யாது. நான் எனது மனசாட்சிக்குக் கட்டுப்பட்டு மக்களுக்கான திட்டங்களைத் தீட்டி வருகிறேன்" என்று விமர்சனங்களுக்குப் பதிலடி கொடுத்தார்.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now