தங்கம் விலை மீண்டும் உயர்வு...! புதிய உச்சம்....!

by Vignesh Perumal on | 2025-12-24 11:11 AM

Share:

தங்கம் விலை மீண்டும் உயர்வு...! புதிய உச்சம்....!

சென்னையில் ஆபரணத் தங்கத்தின் விலை இன்று மீண்டும் உயர்ந்துள்ளது. கடந்த சில நாட்களாக ஏற்ற இறக்கத்துடன் காணப்பட்ட தங்கம் விலை, இன்று சவரனுக்கு ரூ.240 அதிகரித்து, ஒரு சவரன் ஒரு லட்சத்து இரண்டாயிரத்தைத் தாண்டியுள்ளது இல்லத்தரசிகளிடையே பெரும் அதிர்ச்சியை ஏற்படுத்தியுள்ளது.

சென்னையில் இன்றைய வர்த்தகத்தின் தொடக்கத்தில் ஆபரணத் தங்கத்தின் விலை உயர்ந்து காணப்படுகிறது. ஒரு கிராம் தங்கம் நேற்று விற்பனை செய்யப்பட்ட விலையை விட ரூ.30 உயர்ந்து, இன்று ரூ.12,800-க்கு விற்பனை செய்யப்படுகிறது. ஒரு சவரன் தங்கம் சவரனுக்கு ரூ.240 உயர்ந்து, இன்று ரூ.1,02,400-க்கு விற்பனை செய்யப்படுகிறது.

சர்வதேச சந்தையில் நிலவும் பொருளாதார மாற்றங்கள், டாலருக்கு நிகரான இந்திய ரூபாயின் மதிப்பு மற்றும் உலகளாவிய வங்கிகளின் தங்க இருப்பு கொள்கை போன்ற காரணங்களால் தங்கம் விலை தொடர்ந்து ஏறுமுகமாகவே இருந்து வருகிறது. 2025-ம் ஆண்டின் இறுதியை நெருங்கும் வேளையில், தங்கம் விலை ஒரு லட்சம் ரூபாயைத் தாண்டி நிலைபெற்றுள்ளது முதலீட்டாளர்களைக் கவர்ந்தாலும், சாமானிய மக்களுக்கு எட்டாக்கனியாக மாறி வருகிறது.

தங்கத்தின் விலையைப் போலவே வெள்ளியின் விலையும் இன்று சற்று உயர்வுடன் காணப்படுகிறது. ஒரு கிராம் வெள்ளி ரூ.100-க்கும் மேலாக வர்த்தகமாகி வருகிறது.

இந்த விலையுடன் ஜிஎஸ்டி (GST) மற்றும் செய்கூலி, சேதாரம் சேர்க்கப்படும்போது இறுதி விற்பனை விலை இன்னும் கூடுதலாக இருக்கும் என்பது குறிப்பிடத்தக்கது.