கொடைக்கானல் அருகே பயங்கரம்..!அதிர்ஷ்டவசமாக உயிர் தப்பி இளைஞர்..!

by Vignesh Perumal on | 2026-03-21 02:32 PM

Share:

கொடைக்கானல் அருகே பயங்கரம்..!அதிர்ஷ்டவசமாக உயிர் தப்பி இளைஞர்..!

திண்டுக்கல் மாவட்டம் கொடைக்கானல் - பழனி மலைப்பாதையில் சுற்றுலாப் பயணிகள் வந்த கார் ஓட்டுநரின் கட்டுப்பாட்டை இழந்து 50 அடி பள்ளத்தில் கவிழ்ந்து விபத்துக்குள்ளானது. இந்த விபத்தில் காரில் இருந்த கேரள வாலிபர்கள் நல்வாய்ப்பாக உயிர் தப்பினர்.

கேரள மாநிலத்தைச் சேர்ந்த வாலிபர்கள் ஒரு காரில் திண்டுக்கல் மாவட்டம் கொடைக்கானலுக்குச் சுற்றுலா வந்துள்ளனர். கொடைக்கானலின் பல்வேறு இடங்களைச் சுற்றிப் பார்த்த அவர்கள், இன்று மீண்டும் பழனி வழியாகத் தங்களது சொந்த ஊருக்குத் திரும்புவதற்காக மலைப்பாதையில் வந்து கொண்டிருந்தனர்.

கொடைக்கானல் - பழனி மலைப்பாதையில் கார் வந்து கொண்டிருந்தபோது, எதிர்பாராத விதமாக ஒரு வளைவில் ஓட்டுநரின் கட்டுப்பாட்டை இழந்தது. இதனால் கார் சாலையோரம் இருந்த சுமார் 50 அடி ஆழமுள்ள பள்ளத்தில் தலைகுப்புறக் கவிழ்ந்து விபத்துக்குள்ளானது. கார் பலமுறை உருண்டு பள்ளத்தில் விழுந்ததைக் கண்டு அவ்வழியாக வந்த மற்ற வாகன ஓட்டிகள் அதிர்ச்சியடைந்து உடனடியாக மீட்புப் பணியில் இறங்கினர்.

பள்ளத்தில் கவிழ்ந்த காரில் இருந்த கேரள வாலிபர்கள், கார் பலத்த சேதமடைந்த நிலையிலும் சிறு காயங்களுடன் அதிர்ஷ்டவசமாக உயிர் தப்பினர். தகவலறிந்து சம்பவ இடத்திற்கு விரைந்து வந்த போலீசார் மற்றும் தீயணைப்புத் துறையினர், காயமடைந்தவர்களை மீட்டு முதலுதவி சிகிச்சைக்காக அருகில் உள்ள மருத்துவமனைக்கு அனுப்பி வைத்தனர்.

விபத்து காரணமாக அந்தப் பகுதியில் சிறிது நேரம் போக்குவரத்து பாதிக்கப்பட்டது. பள்ளத்தில் கிடந்த காரை கிரேன் மூலம் மீட்கும் பணிகள் நடைபெற்று வருகின்றன. மலைப்பாதையில் நிலவும் மூடுபனி அல்லது வளைவுகளில் கவனக்குறைவாகச் செல்வதே இதுபோன்ற விபத்துகளுக்குக் காரணமாக அமைவதாகப் போலீசார் தெரிவித்தனர்.

மலைப்பாதையில் பயணிக்கும் சுற்றுலாப் பயணிகள், குறிப்பாகப் பழனி - கொடைக்கானல் சாலையில் செல்லும் வாகன ஓட்டிகள், வளைவுகளில் மிகக் குறைந்த வேகத்தில் செல்ல வேண்டும் என்றும், போதிய உறக்கம் இன்றி வாகனங்களை இயக்க வேண்டாம் என்றும் காவல்துறையினர் அறிவுறுத்தியுள்ளனர்.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now