ஊழியர்களுக்குச் சம்பளத்துடன் கூடிய விடுமுறை..! அதிரடி உத்தரவு..!

by Vignesh Perumal on | 2026-03-19 03:03 PM

Share:

ஊழியர்களுக்குச் சம்பளத்துடன் கூடிய விடுமுறை..! அதிரடி உத்தரவு..!

வரும் ஏப்ரல் 23-ஆம் தேதி நடைபெறவுள்ள தமிழகச் சட்டமன்றத் தேர்தலை முன்னிட்டு, அனைத்து அரசு மற்றும் தனியார் நிறுவன ஊழியர்களுக்கும் சம்பளத்துடன் கூடிய விடுமுறை அளிக்க வேண்டும் எனத் தேர்தல் ஆணையம் உத்தரவிட்டுள்ளது.

தமிழகத்தின் 234 சட்டமன்றத் தொகுதிகளுக்கும் ஒரே கட்டமாக வாக்குப்பதிவு நடைபெற உள்ளது. இதில் 100% வாக்குப்பதிவை உறுதி செய்யும் நோக்கில், இந்தியத் தேர்தல் ஆணையம் மக்கள் பிரதிநிதித்துவச் சட்டம் 1951, பிரிவு 135B-இன் கீழ் இந்த உத்தரவைப் பிறப்பித்துள்ளது. இதன்படி, அனைத்து அரசு அலுவலகங்கள், பொதுத்துறை நிறுவனங்கள். தனியார் நிறுவனங்கள், தொழிற்சாலைகள், கடைகள் மற்றும் வணிக வளாகங்கள். தகவல் தொழில்நுட்ப நிறுவனங்கள் (IT Companies) மற்றும் ஒப்பந்தத் தொழிலாளர்கள் ஆகிய அனைவருக்கும் வாக்குப்பதிவு நாளன்று சம்பளத்துடன் கூடிய விடுமுறை அளிப்பது கட்டாயமாக்கப்பட்டுள்ளது.

வாக்குப்பதிவு நாளன்று விடுமுறை அளிக்கத் தவறும் அல்லது ஊழியர்களின் சம்பளத்தைப் பிடிக்கும் நிறுவனங்கள் மீது கடுமையான நடவடிக்கை எடுக்கத் தொழிலாளர் நலத் துறைக்குத் தேர்தல் ஆணையம் அறிவுறுத்தியுள்ளது. விடுமுறை அளிக்காத நிறுவனங்கள் குறித்து ஊழியர்கள் புகார் அளிக்க ஏதுவாக, ஒவ்வொரு மாவட்டத்திலும் தொழிலாளர் நலத் துறை சார்பில் சிறப்புக் கட்டுப்பாட்டு அறைகள் மற்றும் புகார் எண்கள் அறிவிக்கப்பட்டுள்ளன.

விதியை மீறும் நிறுவனங்களுக்கு அபராதம் விதிக்கப்படுவதோடு, சட்டப்படியான சட்ட நடவடிக்கைகளும் மேற்கொள்ளப்படும் என எச்சரிக்கப்பட்டுள்ளது.

தனது சொந்தத் தொகுதிக்கு வெளியே பணிபுரியும் தொழிலாளர்களும் தங்களது ஜனநாயகக் கடமையை ஆற்ற ஏதுவாக, அவர்களுக்கும் இந்த விடுமுறை பொருந்தும் எனத் தெளிவுபடுத்தப்பட்டுள்ளது. குறிப்பாக, தினக்கூலி மற்றும் தற்காலிகத் தொழிலாளர்களுக்கும் அன்றைய தினத்திற்கான ஊதியத்தை வழங்க வேண்டும் என உத்தரவிடப்பட்டுள்ளது. தேர்தல் கால அட்டவணை (நினைவூட்டல்) வாக்குப்பதிவு நாள் 23 ஏப்ரல் 2026 (வியாழக்கிழமை) வாக்கு எண்ணிக்கை 04 மே 2026 என்பது குறிப்பிடத்தக்கது.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now