திக் திக் நிமிடங்கள்...! தகராறில் தொழிலாளி தூக்கிட்டு தற்கொலை..! பெரும் சோகம்...!

by Vignesh Perumal on | 2026-03-17 02:48 PM

Share:

திக் திக் நிமிடங்கள்...! தகராறில் தொழிலாளி தூக்கிட்டு தற்கொலை..! பெரும் சோகம்...!

திண்டுக்கல் மாவட்டம் சின்னாளப்பட்டி அருகே குடும்பப் பிரச்சினை காரணமாக மனமுடைந்த தொழிலாளி ஒருவர், தனது வீட்டில் தூக்கிட்டு தற்கொலை செய்து கொண்டார். இச்சம்பவம் அப்பகுதியில் பெரும் சோகத்தை ஏற்படுத்தியுள்ளது.

திண்டுக்கல்லை அடுத்த சின்னாளப்பட்டி, நெசவாளர் காலனி பகுதியைச் சேர்ந்தவர் திருமலை. இவருடைய மகன் அன்பரசு (29). இவர் கூலித் தொழிலாளியாகப் பணியாற்றி வந்தார். கடந்த சில நாட்களாக அன்பரசுவின் குடும்பத்தில் தீர்க்க முடியாத சில பிரச்சினைகள் இருந்து வந்ததாகக் கூறப்படுகிறது. இதனால் அவர் மிகுந்த மன உளைச்சலில் இருந்து வந்துள்ளார்.

இந்நிலையில், இன்று வீட்டில் யாரும் இல்லாத நேரத்தைப் பயன்படுத்திக் கொண்ட அன்பரசு, மன விரக்தியில் தனது வீட்டின் கூரையில் சேலையால் தூக்கிட்டுத் தற்கொலை செய்து கொண்டார். சிறிது நேரம் கழித்து வீட்டிற்கு வந்த குடும்பத்தினர், அன்பரசு தூக்கில் தொங்குவதைக் கண்டு அதிர்ச்சியடைந்து கூச்சலிட்டனர். அக்கம் பக்கத்தினர் ஓடி வந்து அவரை மீட்க முயன்றபோது, அவர் ஏற்கனவே உயிரிழந்தது தெரியவந்தது.

இச்சம்பவம் குறித்துச் சின்னாளப்பட்டி காவல் நிலையத்திற்குத் தகவல் தெரிவிக்கப்பட்டது. தகவல் அறிந்ததும் ஆய்வாளர் சுபத்ரா, சார்பு ஆய்வாளர் நீலமேகம் மற்றும் போலீசார் சம்பவ இடத்திற்கு விரைந்து வந்தனர். உயிரிழந்த அன்பரசுவின் உடலைக் கைப்பற்றிய போலீசார், அதைப் பிரேதப் பரிசோதனைக்காகத் திண்டுக்கல் அரசு மருத்துவக் கல்லூரி மருத்துவமனைக்கு அனுப்பி வைத்தனர்.

தற்போது இச்சம்பவம் குறித்துச் சின்னாளப்பட்டி போலீசார் வழக்குப் பதிவு செய்து, தற்கொலைக்கான விரிவான பின்னணி குறித்து அவரது உறவினர்களிடம் தீவிர விசாரணை மேற்கொண்டு வருகின்றனர்.

மன அழுத்தம் அல்லது தற்கொலை எண்ணம் ஏற்பட்டால், தமிழக அரசின் இலவச உதவி மையமான 104 அல்லது சினேகா தற்கொலை தடுப்பு மையத்தின் 044-24640050 என்ற எண்ணைத் தொடர்புகொண்டு நிபுணர்களின் ஆலோசனையைப் பெறலாம்.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now