கொடூரம்...! குடியிருப்புக்குள் புகுந்து கும்பல் தாக்குதல்..! 2 பேர் உயிரிழப்பு; 6 பேர் படுகாயம்..!

by Vignesh Perumal on | 2026-03-03 02:46 PM

Share:

கொடூரம்...! குடியிருப்புக்குள் புகுந்து கும்பல் தாக்குதல்..! 2 பேர் உயிரிழப்பு; 6 பேர் படுகாயம்..!

நெல்லை மாவட்டம் நாங்குநேரி அருகே உள்ள பெரும்பத்து கிராமத்தில், பட்டியலின மக்கள் வசிக்கும் தெருவுக்குள் புகுந்த 9 பேர் கொண்ட மர்ம கும்பல் நடத்திய கண்மூடித்தனமான தாக்குதலில் இரண்டு பேர் பரிதாபமாக உயிரிழந்தனர். இச்சம்பவம் தமிழகம் முழுவதும் பெரும் அதிர்ச்சியை ஏற்படுத்தியுள்ளது.

நேற்று இரவு, பெரும்பத்து கிராமத்தில் உள்ள பட்டியலின குடியிருப்புக்குள் ஆயுதங்களுடன் புகுந்த 9 பேர் கொண்ட கும்பல், அங்கிருந்தவர்களைச் சரமாரியாகத் தாக்கியது. இந்தச் சண்டையில் அரிவாள் உள்ளிட்ட பயங்கர ஆயுதங்களால் வெட்டப்பட்டதில் 2 பேர் சம்பவ இடத்திலேயே உயிரிழந்தனர். 6 பேர் படுகாயமடைந்தனர்.

காயமடைந்தவர்கள் அனைவரும் உடனடியாக மீட்கப்பட்டு, சிகிச்சைக்காகத் திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டுள்ளனர். அங்கு அவர்களுக்குத் தீவிர சிகிச்சை அளிக்கப்பட்டு வருகிறது.

இச்சம்பவம் குறித்துத் தகவல் அறிந்ததும், மாவட்ட காவல் கண்காணிப்பாளர் (SP) தலைமையில் ஏராளமான போலீசார் சம்பவ இடத்திற்கு விரைந்தனர்.

தலைமறைவாக உள்ள முக்கியக் குற்றவாளிகளைப் பிடிக்க 5 தனிப்படைகள் அமைக்கப்பட்டுத் தீவிரத் தேடுதல் வேட்டை நடைபெற்று வருகிறது.

முதற்கட்ட விசாரணையின் அடிப்படையில், சந்தேகத்தின் பேரில் 6 பேரை போலீசார் பிடித்துள்ளனர். அவர்கள் தற்போது ஒரு ரகசிய இடத்தில் வைத்து தீவிர விசாரணைக்கு உட்படுத்தப்பட்டு வருகின்றனர்.

இந்தக் கொடூரத் தாக்குதலால் பெரும்பத்து மற்றும் அதன் சுற்றுவட்டாரக் கிராமங்களில் பெரும் பதற்றம் நிலவி வருகிறது. மீண்டும் எந்தவிதமான அசம்பாவிதங்களும் ஏற்படாமல் இருக்க, அப்பகுதியில் பலத்த போலீஸ் பாதுகாப்பு போடப்பட்டுள்ளது. சாதி மோதல் அல்லது முன்விரோதம் காரணமாக இந்தத் தாக்குதல் நடந்ததா என்ற கோணத்தில் போலீசார் விசாரணை நடத்தி வருகின்றனர்.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now