இந்தியாவையே உலுக்கிய சம்பவம்...! துணை முதல்வர் விமான விபத்து..! காலமானார்..!

by Vignesh Perumal on | 2026-01-28 11:30 AM

Share:

இந்தியாவையே உலுக்கிய சம்பவம்...! துணை முதல்வர் விமான விபத்து..! காலமானார்..!

மகாராஷ்டிரா மாநிலத் துணை முதல்வரும், தேசியவாத காங்கிரஸ் கட்சி (NCP) தலைவருமான அஜித் பவார் (66), இன்று (ஜனவரி 28, 2026) காலை புனே மாவட்டம் பாராமதி அருகே நடைபெற்ற விமான விபத்தில் அகால மரணமடைந்தார். இந்த விபத்தில் அவருடன் பயணித்த 5 பேரும் உயிரிழந்ததை சிவில் விமான போக்குவரத்து இயக்குநரகம் உறுதி செய்துள்ளது. மும்பையிலிருந்து பாராமதியில் நடைபெறவிருந்த உள்ளாட்சித் தேர்தல் தொடர்பான கட்சி நிகழ்ச்சியில் பங்கேற்பதற்காக அஜித் பவார் ஒரு தனியார் சார்ட்டர் விமானத்தில் புறப்பட்டார். இன்று காலை சுமார் 8:45 மணியளவில் பாராமதி விமான நிலையத்தில் தரையிறங்க முயன்றபோது, விமானம் திடீரெனக் கட்டுப்பாட்டை இழந்து விபத்துக்குள்ளானது.தரையில் மோதிய வேகத்தில் விமானம் வெடித்துச் சிதறி தீப்பற்றி எரிந்தது. விபத்து நடந்த இடத்திலிருந்து வெளியான வீடியோக்களில் விமானம் முற்றிலும் தீப்பிழம்புகளால் சூழப்பட்டிருப்பது தெரிந்தது.விமானத்தில் இருந்த 5 பேரும் விபத்தில் உயிரிழந்துள்ளதாக முதற்கட்டத் தகவல்கள் தெரிவிக்கின்றன. அஜித் பவார் (துணை முதல்வர்), இரண்டு விமானிகள் (Crew Members), பாதுகாப்பு அதிகாரி (PSO) மற்றும் உதவியாளர்.விமான நிலைய மீட்புக் குழுவினர் சம்பவ இடத்திற்கு விரைந்து சென்ற போதிலும், விமானம் பயங்கரமாகத் தீப்பற்றி எரிந்ததால் யாரையும் காப்பாற்ற முடியவில்லை. அஜித் பவாரின் மறைவுக்குப் பிரதமர் நரேந்திர மோடி, மத்திய உள்துறை அமைச்சர் அமித் ஷா மற்றும் மகாராஷ்டிரா முதல்வர் தேவேந்திர ஃபட்னாவிஸ் உள்ளிட்ட பல்வேறு அரசியல் தலைவர்கள் தங்களது ஆழ்ந்த இரங்கலைத் தெரிவித்துள்ளனர். "மக்களின் தலைவர் ஒருவரைத் தமிழகம் இழந்துவிட்டது" எனத் தலைவர்கள் சமூக வலைதளங்களில் பதிவிட்டு வருகின்றனர்.இந்திய அரசியலில் பல முக்கியத் தலைவர்கள் இது போன்ற வான்வழி விபத்துகளில் உயிரிழந்திருப்பது ஒரு சோகமான வரலாறாகத் தொடர்கிறது. அஜித் பவார் (2026) பாராமதி அருகே விமான விபத்தில் மறைவு. ஜெனரல் பிபின் ராவத் (2021) குன்னூர் அருகே ஹெலிகாப்டர் விபத்தில் முப்படைத் தலைமைத் தளபதி பிபின் ராவத் காலமானார்.

ஒய்.எஸ். ராஜசேகர ரெட்டி (2009) ஆந்திர முதல்வர் ஒய்.எஸ்.ஆர் ஹெலிகாப்டர் விபத்தில் மரணமடைந்தார்.மாதவ்ராவ் சிந்தியா (2001) காங்கிரஸ் மூத்த தலைவர் விமான விபத்தில் மறைந்தார். சஞ்சய் காந்தி (1980) இந்திரா காந்தியின் மகன் சஞ்சய் காந்தி டெல்லியில் விமான விபத்தில் காலமானார் என்பது குறிப்பிடத்தக்கது.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now