மதுரை எய்ம்ஸ்..! ஜெ.பி.நட்டா கொடுத்த புது சர்ப்ரைஸ்..!

by Vignesh Perumal on | 2025-04-01 02:11 PM

Share:

மதுரை எய்ம்ஸ்..! ஜெ.பி.நட்டா கொடுத்த புது சர்ப்ரைஸ்..!

கடந்த சில ஆண்டுகளாகவே மதுரையில் மத்திய அரசு சார்பில் எய்ம்ஸ் மருத்துவமனை அமைக்கப்படும் என்று தெரிவிக்கப்பட்டு இருந்தது. இந்நிலையில் இந்த தகவல் அடிப்படையில் மத்திய அரசு எந்த ஒரு நடவடிக்கை எடுக்கவில்லை என்று தமிழக அரசியல் வட்டாரங்கள் குற்றச்சாட்டுகளை முன்வைத்து வந்தனர்.

ஆனால், கடந்த சில ஆண்டுகளுக்கு முன்பு மதுரையில் நடைபெற்ற பொதுக் கூட்டத்தில் பேசிய அவர், மதுரையில் எய்ம்ஸ் மருத்துவமனை அமைக்க வேண்டும் என்பது பிரதமர் நரேந்திர மோடியின் தனிப்பட்ட விருப்பம் என்றும், மதுரை வளர்ச்சியடைவதைப் பார்க்க பிரதமர் மிகவும் ஆர்வமாக இருந்ததாகவும், அதனால்தான் இந்த பழமையான நகரத்தில் மருத்துவமனையை நிறுவ முடிவு செய்ததாகவும் தெரிவித்திருந்தார். புது தில்லியைப் போலவே, மதுரையிலும் உள்ள எய்ம்ஸ் அனைத்து அம்சங்களிலும் சமமாக இருக்கும். இங்குள்ள எய்ம்ஸ் பல அண்டை மாநிலங்களுக்கு மன உறுதியை அதிகரிக்கும் என்றும் அவர் தெரிவித்தார்.

இருப்பினும், அதிமுக மற்றும் திமுகவின் அலட்சியப் போக்குதான் எய்ம்ஸ் மருத்துவமனையை இங்கு தொடங்குவதில் தாமதத்திற்கு வழிவகுத்தது என்று அவர் குற்றம் சாட்டினார். மேலும், எய்ம்ஸ் மருத்துவமனையில் மரங்களை வெட்டுவதற்கு அனுமதி அளிக்க தமிழக அரசு ஐந்து மாதங்களுக்கு மேல் எடுத்துக்கொண்டதாகவும் அவர் தெரிவித்தார்.

பாஜக தலைவர்கள் எப்படியாவது மே 2026க்குள் எய்ம்ஸைக் கொண்டு வருவதில் உறுதியாக இருப்பதாக அவர் வலியுறுத்தினார், மேலும் அதிமுக மற்றும் திமுக விளையாடும் 'விளையாட்டை' மக்கள் புரிந்து கொள்ள வேண்டும் என்றும் கேட்டுக்கொண்டார்.

இந்நிலையில், மாநிலங்களவையில் நடைபெற்ற கூட்டத்தில் பாஜக மூத்த தலைவர் ஜெபி.நட்டா இது பற்றி கூறப்பட்டுள்ளதாவது: "மதுரையில் எய்ம்ஸ் மருத்துவமனையின் கட்டுமானப் பணிகள் 3 ஆண்டுகளில் நிறைவடையும்" என்று தெரிவித்துள்ளார் என்பது குறிப்பிடத்தக்கது

WhatsApp Group Join Now