வாழ்நாள் உயிர் சான்றிதழ் பெற வேண்டாம்..! ஆணையர் உத்தரவு...!

by Vignesh Perumal on | 2025-06-30 05:04 PM

Share:

வாழ்நாள் உயிர் சான்றிதழ் பெற வேண்டாம்..! ஆணையர் உத்தரவு...!

தமிழ்நாட்டில் பராமரிப்பு உதவித் தொகை பெறும் மாற்றுத்திறனாளிகளிடம் இருந்து இனி வாழ்நாள் உயிர் சான்றிதழ் (Life Certificate) பெறத் தேவையில்லை என மாற்றுத்திறனாளிகள் நல ஆணையர், மாவட்ட மாற்றுத்திறனாளிகள் நல அலுவலர்களுக்கு உத்தரவிட்டுள்ளார். இந்த முடிவு மாற்றுத்திறனாளிகளுக்கு பெரும் நிம்மதியை அளித்துள்ளது.

தமிழ்நாடு அரசு சார்பில் மாற்றுத்திறனாளிகளுக்கு 6 வகையான பராமரிப்பு உதவித் தொகைகள் வழங்கப்படுகின்றன. இந்த உதவித் தொகைகளைப் பெறுபவர்கள், ஒவ்வொரு ஆண்டும் தாங்கள் உயிருடன் இருப்பதற்கான உயிர் சான்றிதழைச் சமர்ப்பிக்க வேண்டும் என்ற நடைமுறை இருந்து வந்தது. இது பல மாற்றுத்திறனாளிகளுக்கு, குறிப்பாக வயதானவர்களுக்கும், கடுமையான குறைபாடுகள் உள்ளவர்களுக்கும் பெரும் சிரமத்தை ஏற்படுத்தி வந்தது.

இந்நிலையில், தமிழ்நாடு மின்னாளுமை முகமை (TNeGA) மூலம் தரவுகளைச் சரிபார்த்து, தகுதியான பயனாளிகளுக்கு நேரடியாக உதவித்தொகை வழங்கப்பட்டு வருவதால், இனி உயிர் சான்றிதழ் பெறும் நடைமுறையைத் தவிர்க்கலாம் என மாற்றுத்திறனாளிகள் நல ஆணையர் முடிவு செய்துள்ளார்.

இந்த புதிய உத்தரவின் மூலம், மாற்றுத்திறனாளிகள் உயிர் சான்றிதழ் பெறுவதற்காக அலுவலகங்களுக்கு அலைந்து திரிவது தவிர்க்கப்படும். இது அரசின் சேவை எளிமையாக்குதல் மற்றும் மாற்றுத்திறனாளிகளின் நலன் பேணுதல் ஆகியவற்றை உறுதிப்படுத்தும் ஒரு முக்கிய நடவடிக்கையாகப் பார்க்கப்படுகிறது.

நிர்வாக ஆசிரியர்- பா.விக்னேஷ்பெருமாள்.

WhatsApp Group Join Now