துணை முதல்வர் உதயநிதிக்கு...! கோர்ட் ₹1 லட்சம் அபராதம்...! ஜாமினில் விடுவிப்பு...! பரபரப்பு...!

by Vignesh Perumal on | 2025-06-27 11:54 AM

Share:

துணை முதல்வர் உதயநிதிக்கு...! கோர்ட் ₹1 லட்சம் அபராதம்...! ஜாமினில் விடுவிப்பு...! பரபரப்பு...!

சனாதன தர்மம் குறித்த தனது விமர்சனத்திற்காகத் தமிழக விளையாட்டுத்துறை அமைச்சர் உதயநிதி ஸ்டாலின், பெங்களூரு மக்கள் பிரதிநிதிகள் சிறப்பு நீதிமன்றத்தில் நேற்று (புதன்கிழமை) ஆஜரானார். ₹1 லட்சம் பிணைத் தொகைக்கு அவருக்கு ஜாமின் வழங்கப்பட்டது.

கடந்த ஆண்டு செப்டம்பர் 2 ஆம் தேதி சென்னையில் நடைபெற்ற சனாதன ஒழிப்பு மாநாட்டில் பேசிய தமிழக விளையாட்டுத்துறை அமைச்சர் உதயநிதி ஸ்டாலின், 'சனாதன தர்மத்தை டெங்கு, மலேரியா போல ஒழிக்க வேண்டும்' என்று கருத்துத் தெரிவித்திருந்தார். அவரது இந்தக் கருத்துக்கு நாடு முழுவதும் உள்ள இந்து அமைப்புகள் கடும் கண்டனம் தெரிவித்தன. இதன் தொடர்ச்சியாக, உதயநிதி ஸ்டாலின் மீது வெவ்வேறு மாநிலங்களில் பல்வேறு வழக்குகள் பதிவு செய்யப்பட்டன.

இந்த வகையில், உதயநிதி மீது கிரிமினல் நடவடிக்கை எடுக்கக் கோரி, பெங்களூரைச் சேர்ந்த சமூக ஆர்வலர் பரமேஷ் என்பவர், எம்.பி., எம்.எல்.ஏ.க்களுக்கான மக்கள் பிரதிநிதிகள் சிறப்பு நீதிமன்றத்தில் கடந்த பிப்ரவரி மாதம் வழக்குத் தொடர்ந்தார். இதேபோல், சனாதன ஒழிப்பு மாநாட்டை நடத்திய வெங்கடேஷ், ஆதவன், மதுக்கூர் ராமலிங்கம் ஆகியோர் மீதும் கிரிமினல் நடவடிக்கை எடுக்கக் கோரி அதே நீதிமன்றத்தில் பரமேஷ் வழக்குத் தொடர்ந்திருந்தார்.

இந்த வழக்குகளை விசாரித்த நீதிபதி, ஜூன் 3 ஆம் தேதி நால்வரும் நேரில் ஆஜராக வேண்டும் என்று சம்மன் அனுப்ப உத்தரவிட்டிருந்தார்.

இதற்கிடையில், தங்கள் மீது கிரிமினல் நடவடிக்கை எடுக்கத் தடை கோரி, நால்வர் தரப்பிலும் கடந்த வாரம் கர்நாடக உயர் நீதிமன்றத்தில் மனு தாக்கல் செய்யப்பட்டது. இந்த மனுவை விசாரித்த நீதிபதி கிருஷ்ணா தீக்ஷித், கிரிமினல் நடவடிக்கை எடுக்கத் தற்காலிகத் தடை விதித்து உத்தரவு பிறப்பித்தார்.

இந்தச் சூழலில், பெங்களூருவில் உள்ள மக்கள் பிரதிநிதிகள் சிறப்பு நீதிமன்றத்தில் நீதிபதி சிவகுமார் முன்னிலையில், அமைச்சர் உதயநிதி ஸ்டாலின் நேற்று (புதன்கிழமை) ஆஜரானார். அவரது சார்பில் வழக்கறிஞர்கள் பாலாஜி சிங், வில்சன் ஆகியோர் ஆஜராகினர். மனுதாரர் சார்பில் வழக்கறிஞர் தர்மபால் ஆஜரானார்.

உதயநிதி சார்பில் நேரில் ஆஜராக நிரந்தர விலக்கு அளிக்கக் கோரியும், ஜாமின் கோரியும் தனித்தனி மனுக்கள் தாக்கல் செய்யப்பட்டன. வழக்கறிஞர் வில்சன் வாதிடுகையில், "உதயநிதி நேரில் ஆஜராகியுள்ளார். அவர் மீது நாட்டில் பல இடங்களில் வழக்குகள் பதிவாகி உள்ளன. அவர் ஒரு மாநிலத்தின் அமைச்சர். எனவே, நேரில் ஆஜராவதில் இருந்து விலக்கு அளிக்க வேண்டும். உச்ச நீதிமன்றம் ஏற்கனவே விலக்கு அளித்துள்ளது" என்று வாதிட்டார்.

இருதரப்பு வாதங்களையும் கேட்ட நீதிபதி சிவகுமார், "விசாரணை ஆகஸ்ட் 8 ஆம் தேதிக்கு ஒத்திவைக்கப்படுகிறது. அதற்குள் உச்ச நீதிமன்றம் விலக்கு அளித்ததற்கான உத்தரவு நகலை சமர்ப்பிக்க வேண்டும். அதன்பின், நிரந்தர விலக்கு அளிப்பது குறித்துப் பார்க்கலாம். ஒரு லட்சம் ரூபாய் உத்தரவாதம் செலுத்தி, ஜாமின் பெற்றுக் கொள்ளுங்கள்" என்று உத்தரவிட்டார்.

இதன்படி, ₹1 லட்சம் உத்தரவாதம் செலுத்தி, அமைச்சர் உதயநிதி ஸ்டாலின் ஜாமின் பெற்றார். பின்னர், அவர் சென்னை புறப்பட்டுச் சென்றார். இந்த வழக்கு, சனாதன தர்மம் குறித்த விமர்சனங்கள், மத உணர்வுகளைப் புண்படுத்துவது தொடர்பான வழக்குகளில் ஒரு முக்கியத் திருப்பமாகப் பார்க்கப்படுகிறது.

ஆசிரியர்கள் குழு....

WhatsApp Group Join Now