லாரி மீது ஈச்சர் வேன் மோதி கோரவிபத்து...! உயிருக்கு போராடும் டிரைவர்...!

by Vignesh Perumal on | 2025-06-09 10:54 AM

Share:

லாரி மீது ஈச்சர் வேன் மோதி கோரவிபத்து...! உயிருக்கு போராடும் டிரைவர்...!

திண்டுக்கல் மாவட்டம் பழனியை அடுத்த தாளையம் பைபாஸ் பகுதியில் இன்று காலை, நடுவே செடிகளுக்கு தண்ணீர் விட்டுக்கொண்டிருந்த தண்ணீர் லாரி மீது ஈச்சர் வேன் மோதிய விபத்தில், ஈச்சர் வேன் டிரைவர் படுகாயமடைந்து உயிருக்கு ஆபத்தான நிலையில் பழனி அரசு மருத்துவமனையில் அனுமதிக்கப்பட்டுள்ளார்.

இன்று காலை சுமார் 8:00 மணியளவில், தாளையம் பைபாஸ் சாலையில், நடுவே உள்ள செடிகளுக்கு தண்ணீர் லாரி ஒன்று தண்ணீர் விட்டுக்கொண்டிருந்தது. அப்போது, பின்னால் வேகமாக வந்த ஈச்சர் வேன், தண்ணீர் லாரியின் பின்புறம் மோதி பயங்கர விபத்துக்குள்ளானது. மோதிய வேகத்தில் ஈச்சர் வேனின் முன்பகுதி உருக்குலைந்து நசுங்கியது.

இந்த விபத்தில் ஈச்சர் வேனை ஓட்டி வந்த டிரைவர் படுகாயம் அடைந்து, சம்பவ இடத்திலேயே உயிருக்கு ஆபத்தான நிலையில் மயங்கிக் கிடந்தார். பொதுமக்கள் மற்றும் மீட்புப் படையினர் உடனடியாக அவரை மீட்டு, பழனி அரசு மருத்துவமனைக்கு சிகிச்சைக்காக அனுப்பி வைத்தனர். அவருக்குத் தீவிர சிகிச்சை அளிக்கப்பட்டு வருவதாகவும், அவரது உடல்நிலை கவலைக்கிடமாக இருப்பதாகவும் மருத்துவமனை வட்டாரங்கள் தெரிவிக்கின்றன. தண்ணீர் லாரி டிரைவர் சிறு காயங்களுடன் தப்பியதாகக் கூறப்படுகிறது.

விபத்து குறித்து தகவல் அறிந்ததும், சாமிநாதபுரம் காவல் நிலைய சார்பு ஆய்வாளர் முரளி மற்றும் காவலர்கள் உடனடியாக சம்பவ இடத்திற்கு விரைந்து விசாரணை மேற்கொண்டனர். விபத்துக்கான காரணம் குறித்து விசாரணை நடைபெற்று வருகிறது. தண்ணீர் லாரி பாதுகாப்பு விதிமுறைகளை மீறி சாலையில் நின்று தண்ணீர் விட்டுக்கொண்டிருந்ததா, அல்லது ஈச்சர் வேன் டிரைவரின் கவனக்குறைவால் விபத்து ஏற்பட்டதா என்பது குறித்து போலீசார் விசாரணை நடத்தி வருகின்றனர்.

இந்த விபத்து தாளையம் பைபாஸ் சாலையில் சிறிது நேரம் போக்குவரத்து நெரிசலை ஏற்படுத்தியது. இந்தச் சம்பவம், சாலைப் பாதுகாப்பு விதிமுறைகளைப் பின்பற்றுவதன் அவசியத்தையும், ஓட்டுநர்கள் மிகுந்த கவனத்துடன் வாகனங்களை இயக்க வேண்டும் என்பதையும் மீண்டும் ஒருமுறை உணர்த்தியுள்ளது.

நிர்வாக ஆசிரியர். பா.விக்னேஷ்பெருமாள்.

WhatsApp Group Join Now