மொழி விவாகம்...! கமலுக்கு கர்நாடக உயர் நீதிமன்றம் சம்மன்...!

by Vignesh Perumal on | 2025-06-03 12:54 PM

Share:

மொழி விவாகம்...! கமலுக்கு கர்நாடக உயர் நீதிமன்றம் சம்மன்...!

நடிகர் கமல்ஹாசன், "கன்னடம் தமிழிலிருந்து பிறந்தது" என்று பேசியது தொடர்பாக கர்நாடக உயர் நீதிமன்றம் அவருக்குக் கடும் கேள்விகளை எழுப்பியுள்ளது. கமல்ஹாசன் ஒரு வரலாற்று ஆய்வாளரா அல்லது மொழியியல் வல்லுநரா என்று நீதிபதிகள் வினவியுள்ளனர். அவரது பேச்சு சமூக நல்லிணக்கத்தைப் பாதித்து, அமைதியின்மையை ஏற்படுத்தியுள்ளதாகக் கண்டனம் தெரிவித்துள்ளனர்.

நடிகர் கமல்ஹாசன் ஒரு முறை பேசும்போது, "கன்னடம் தமிழிலிருந்து பிறந்தது" என்று கருத்துத் தெரிவித்திருந்தார். இது கர்நாடகத்தில் பெரும் சர்ச்சையை ஏற்படுத்தியது. கர்நாடக கன்னட ரக்‌ஷனா வேதிகே என்ற அமைப்பு, கமல்ஹாசன் மீது நீதிமன்ற அவமதிப்பு வழக்குத் தொடர்ந்தது. இந்த வழக்கு கர்நாடக உயர் நீதிமன்றத்தில் விசாரணைக்கு வந்தபோது, நீதிபதிகள் ராகவேந்திர எஸ். சவுகான் மற்றும் ராகவேந்திர எச். மாளகட்டி ஆகியோர் அடங்கிய அமர்வு, கமல்ஹாசன் மீது கடுமையான கேள்விகளை எழுப்பியது.

நீதிபதிகள், "கமல்ஹாசன் ஒரு வரலாற்று ஆய்வாளரா? அல்லது மொழியியல் வல்லுநரா? எந்த அடிப்படையில் இந்த கருத்தைத் தெரிவித்தார்?" என்று வினவினர். மேலும், "ஒவ்வொருவருக்கும் கருத்துச் சுதந்திரம் உண்டு என்றாலும், அது மற்றவர்களின் உணர்வுகளைப் புண்படுத்தக் கூடாது. இதுபோன்ற கருத்துக்கள் சமூக நல்லிணக்கத்திற்குப் பாதிப்பை ஏற்படுத்தி, அமைதியின்மையை உருவாக்கலாம்" என்று தெரிவித்தனர்.

நீதிமன்றம் தனது கண்டனத்தில், "கமல்ஹாசனாக இருந்தாலும், யாராக இருந்தாலும் மக்களின் உணர்வுகளை புண்படுத்தக் கூடாது" என்று திட்டவட்டமாகக் கூறியது. மொழியியல் ரீதியான சர்ச்சைக்குரிய கருத்துக்களைப் பொதுவெளியில் தெரிவிக்கும்போது, அது அந்தந்த மொழி பேசும் மக்களின் உணர்வுகளை எவ்வாறு பாதிக்கிறது என்பதை நீதிபதிகள் வலியுறுத்தினர். இதுபோன்ற கருத்துக்கள் மொழி மற்றும் கலாச்சார அடையாளங்களுடன் தொடர்புடையதாக இருப்பதால், அவை எளிதில் பதற்றத்தைத் தூண்டக்கூடும் என்றும் சுட்டிக்காட்டினர்.

கமல்ஹாசனின் இந்தக் கருத்து, கர்நாடகத்தில் உள்ள கன்னட அமைப்புகளால் கடுமையாக எதிர்க்கப்பட்டது. இது கர்நாடகா மற்றும் தமிழ்நாடு மாநிலங்களுக்கு இடையேயான மொழி நல்லுறவில் சிறிய சலசலப்பை ஏற்படுத்தியது.

இந்த வழக்கில் கமல்ஹாசனுக்கு நீதிமன்றம் சம்மன் அனுப்பியுள்ளது. இது குறித்து அவரது தரப்பு விளக்கத்தை நீதிமன்றம் கேட்கும் என எதிர்பார்க்கப்படுகிறது.

நிர்வாக ஆசிரியர்-பா.விக்னேஷ்பெருமாள்.

WhatsApp Group Join Now