70 லட்சம் ரூபாய் மதிப்புள்ள இ-சிகரெட்டுகள்...! சுங்கத்துறை பறிமுதல்...!

by Vignesh Perumal on | 2025-05-27 05:37 PM

Share:

70 லட்சம் ரூபாய் மதிப்புள்ள இ-சிகரெட்டுகள்...! சுங்கத்துறை பறிமுதல்...!

சென்னை பன்னாட்டு விமான நிலையத்தில், சுமார் 70 லட்சம் ரூபாய் மதிப்புள்ள இ-சிகரெட்டுகள் மற்றும் அமெரிக்க டாலர்கள் பறிமுதல் செய்யப்பட்டுள்ளன. மலேசியாவில் இருந்து சென்னைக்கு கடத்தி வந்த ஒரு பயணியைப் பிடித்து சுங்கத்துறை அதிகாரிகள் தீவிர விசாரணை நடத்தி வருகின்றனர்.

சென்னை விமான நிலைய சுங்கத்துறை அதிகாரிகள் வழக்கமான சோதனையின் போது, மலேசியாவிலிருந்து வந்த ஒரு பயணியின் மீது சந்தேகம் கொண்டார்கள். அப்பயணியின் உடைமைகளை சோதனை செய்தபோது, பெரிய அளவில் இ-சிகரெட்டுகளும், அமெரிக்க டாலர்களும் மறைத்து வைக்கப்பட்டிருந்தது கண்டுபிடிக்கப்பட்டது.

பறிமுதல் செய்யப்பட்ட இ-சிகரெட்டுகள் மற்றும் அமெரிக்க டாலர்களின் மொத்த மதிப்பு சுமார் 70 லட்சம் ரூபாய் இருக்கும் என சுங்கத்துறை அதிகாரிகள் தெரிவித்துள்ளனர். இந்தியாவில் இ-சிகரெட்டுகள் விற்பனை மற்றும் பயன்பாடு தடை செய்யப்பட்டுள்ளது குறிப்பிடத்தக்கது.

மலேசியாவில் இருந்து இ-சிகரெட்டுகள் மற்றும் அமெரிக்க டாலர்களை கடத்தி வந்த பயணியை சுங்கத்துறை அதிகாரிகள் கைது செய்து தீவிர விசாரணை மேற்கொண்டு வருகின்றனர். இந்த கடத்தல் சம்பவத்தின் பின்னணியில் உள்ள கும்பல் குறித்தும், இ-சிகரெட்டுகளை வாங்கிச் செல்ல வந்த நபரை குறித்தும் சுங்கத்துறை அதிகாரிகள் தேடி வருகின்றனர்.

இந்த கடத்தல் சம்பவத்தின் மூலம், வெளிநாடுகளில் இருந்து தடை செய்யப்பட்ட பொருட்கள் மற்றும் அன்னிய செலாவணிகளை கடத்தும் முயற்சிகள் தொடர்ந்து நடைபெற்று வருவது தெரியவந்துள்ளது. சுங்கத்துறை அதிகாரிகள் இது குறித்து மேலும் பல விசாரணைகளை மேற்கொண்டு வருகின்றனர்.

நிர்வாக ஆசிரியர்-பா.விக்னேஷ்பெருமாள்.

WhatsApp Group Join Now