மூத்த குடிமக்கள் உறைவிடம்..! முதலமைச்சர் தொடங்கி வைப்பு..!

by Vignesh Perumal on | 2025-05-27 01:16 PM

Share:

மூத்த குடிமக்கள் உறைவிடம்..! முதலமைச்சர் தொடங்கி வைப்பு..!

தமிழ்நாடு இந்து சமய அறநிலையத்துறை சார்பில், திண்டுக்கல் மாவட்டம் பழனியில் உள்ள அருள்மிகு தண்டாயுதபாணி சுவாமி திருக்கோவிலுக்கு சொந்தமான இடத்தில், மூத்த குடிமக்கள் உறைவிடம் கட்டும் பணிகளுக்கு தமிழக முதலமைச்சர் மு.க. ஸ்டாலின் இன்று (மே 27, 2025) காணொலிக் காட்சி வாயிலாக அடிக்கல் நாட்டி, பணிகளைத் தொடங்கி வைத்தார்.

பழனி அருள்மிகு தண்டாயுதபாணி சுவாமி திருக்கோவிலில் நடைபெற்ற பூமி பூஜை நிகழ்வில், திண்டுக்கல் மாவட்ட ஆட்சியர் சரவணன், இ.ஆ.ப., திண்டுக்கல் நாடாளுமன்ற உறுப்பினர் சச்சிதானந்தம், பழனி சட்டமன்ற உறுப்பினர் ஐ.பி.செந்தில்குமார், அருள்மிகு தண்டாயுதபாணி சுவாமி திருக்கோவில் இணை ஆணையர் மாரிமுத்து மற்றும் துறை சார்ந்த உயரதிகாரிகள், உள்ளாட்சிப் பிரதிநிதிகள், பக்தர்கள் எனப் பலரும் கலந்து கொண்டனர்.

இந்த மூத்த குடிமக்கள் உறைவிடம், பழனி முருகன் கோயிலுக்கு வரும் மூத்த பக்தர்கள் மற்றும் பொதுமக்களுக்கு தங்குவதற்கு வசதியான மற்றும் பாதுகாப்பான ஒரு இடமாக அமையும். குறிப்பாக, நடைபயணமாக வரும் பக்தர்கள் மற்றும் வயதானவர்களுக்கு இந்த உறைவிடம் மிகவும் பயனுள்ளதாக இருக்கும் என எதிர்பார்க்கப்படுகிறது.

முதலமைச்சர் மு.க. ஸ்டாலின், காணொலிக் காட்சி வாயிலாகத் தொடங்கி வைத்துப் பேசுகையில், "பக்தர்களுக்குத் தேவையான அடிப்படை வசதிகளை மேம்படுத்துவதில் நமது அரசு எப்போதும் முன்னுரிமை அளிக்கிறது. பழனி முருகன் கோவிலுக்கு வரும் பல்லாயிரக்கணக்கான பக்தர்களுக்கு, குறிப்பாக மூத்த குடிமக்களுக்கு, இந்த உறைவிடம் ஒரு வரப்பிரசாதமாக அமையும். இது அரசின் சமூக அக்கறையையும், பக்தர்களின் நலன் காப்பதில் உள்ள உறுதியையும் காட்டுகிறது" என்று தெரிவித்தார்.

பழனி முருகன் கோவிலின் உள்கட்டமைப்பை மேம்படுத்துவதிலும், பக்தர்களுக்குச் சிறந்த அனுபவத்தை வழங்குவதிலும் இந்தத் திட்டம் ஒரு முக்கிய மைல்கல்லாக அமையும் என்று எதிர்பார்க்கப்படுகிறது.

நிர்வாக ஆசிரியர்-பா.விக்னேஷ்பெருமாள்.

WhatsApp Group Join Now