கைதிகள் காதலிகளுடன் உல்லாசம்...! போலீஸ் உட்பட 13 பேர் அதிரடி கைது..!

by Vignesh Perumal on | 2025-05-26 10:40 PM

Share:

கைதிகள் காதலிகளுடன் உல்லாசம்...! போலீஸ் உட்பட 13 பேர் அதிரடி கைது..!

ராஜஸ்தானில் மருத்துவப் பரிசோதனைக்காக அழைத்துச் செல்லப்பட்ட சிறைக் கைதிகள், காவல் துறையினருக்குத் தெரியாமல் ஹோட்டலுக்குச் சென்று தங்கள் காதலிகளுடன் உல்லாசமாகப் பொழுதைக் கழித்த சம்பவம் பெரும் அதிர்ச்சியை ஏற்படுத்தியுள்ளது. இந்தச் சம்பவத்தில் கைதிகளுக்கு உடந்தையாக இருந்த 5 காவலர்கள் உட்பட 13 பேர் கைது செய்யப்பட்டுள்ளனர்.

ராஜஸ்தானின் பரத்பூர் மாவட்டத்தில் உள்ள ஒரு சிறையில் இந்தச் சம்பவம் அரங்கேறியுள்ளது. சிறையில் உள்ள சில கைதிகளுக்கு மருத்துவப் பரிசோதனை தேவைப்பட்டதால், அவர்கள் மருத்துவமனைக்கு அழைத்துச் செல்லப்பட்டனர். ஆனால், மருத்துவப் பரிசோதனை முடிந்ததும், கைதிகள் தங்களுக்கு உடந்தையாக இருந்த சில காவலர்களின் உதவியுடன் அருகில் உள்ள ஒரு ஹோட்டலுக்குச் சென்றுள்ளனர்.

அங்கு, கைதிகள் தங்கள் காதலிகளை வரவழைத்து, அவர்களுடன் உல்லாசமாகப் பொழுதைக் கழித்துள்ளனர். இந்த விவகாரம் ரகசியமாகச் செயல்பட்டு வந்த நிலையில், ரகசியத் தகவல் மூலம் உயர் அதிகாரிகளுக்கு இது தெரியவந்துள்ளது.

தகவல் அறிந்ததும், ராஜஸ்தான் காவல்துறை உடனடியாக அதிரடி விசாரணை மேற்கொண்டது. விசாரணையில், மருத்துவப் பரிசோதனை என்ற பெயரில் கைதிகள் ஹோட்டலுக்குச் சென்று காதலிகளுடன் பொழுதைக் கழித்தது உறுதி செய்யப்பட்டது. மேலும், இந்தக் குற்றச் செயலுக்கு 5 காவல் துறை கான்ஸ்டபிள்கள் உடந்தையாக இருந்ததும் தெரிய வந்தது.

இதனைத் தொடர்ந்து, காதலிகளுடன் இருந்த 5 சிறைக் கைதிகள், அவர்களுக்கு உடந்தையாக இருந்த 5 கான்ஸ்டபிள்கள் மற்றும் கைதிகளின் 3 காதலிகள் என மொத்தம் 13 பேர் கைது செய்யப்பட்டனர்.

இந்தச் சம்பவம் ராஜஸ்தான் காவல்துறையிலும், சிறைத் துறை நிர்வாகத்திலும் பெரும் சலசலப்பை ஏற்படுத்தியுள்ளது. பாதுகாப்புப் பணியில் இருந்த காவலர்களே இதுபோன்ற குற்றச் செயல்களுக்கு உடந்தையாக இருந்தது குறித்து கடுமையான நடவடிக்கைகள் எடுக்கப்படும் என உயர் அதிகாரிகள் தெரிவித்துள்ளனர்.

உதவி ஆசிரியர்-பா.விக்னேஷ்பெருமாள்.

WhatsApp Group Join Now