கொடைக்கானல் சுற்றுலா பயணிகள் கவனத்திற்கு...! தற்காலிக நிறுத்தம்...!

by Vignesh Perumal on | 2025-05-26 01:05 PM

Share:

கொடைக்கானல் சுற்றுலா பயணிகள் கவனத்திற்கு...! தற்காலிக நிறுத்தம்...!

திண்டுக்கல் மாவட்டம் கொடைக்கானல் மலைப்பகுதியில் இன்று (மே 26, 2025) காலை முதல் பலத்த காற்று வீசி வருவதால், ஏரியில் படகு சவாரி தற்காலிகமாக நிறுத்தப்பட்டுள்ளது. மேலும், இன்று காலை 9 மணிக்கு நடைபெறவிருந்த படகு போட்டியும் ஒத்திவைக்கப்பட்டுள்ளதாக சுற்றுலாத்துறை அறிவித்துள்ளது.

தென்மேற்குப் பருவமழை கேரளாவில் தொடங்கியுள்ள நிலையில், அதன் தாக்கம் தமிழகத்தின் மேற்குத் தொடர்ச்சி மலைப் பகுதிகளிலும் எதிரொலிக்கிறது. கொடைக்கானலில் கடந்த சில நாட்களாக அவ்வப்போது மழை பெய்து வந்த நிலையில், இன்று காலை முதல் பலத்த காற்றும் வீசத் தொடங்கியுள்ளது.

இந்த பலத்த காற்று காரணமாக, படகு சவாரியின் போது சுற்றுலாப் பயணிகளின் பாதுகாப்புக்கு அச்சுறுத்தல் ஏற்படும் என்பதால், முன்னெச்சரிக்கை நடவடிக்கையாக படகு சவாரி நிறுத்தப்பட்டுள்ளது. இதனால், கொடைக்கானலுக்கு வருகை தந்த சுற்றுலாப் பயணிகள் படகு சவாரி செய்ய முடியாமல் ஏமாற்றமடைந்தனர்.

மேலும், கொடைக்கானல் கோடை விழாவின் ஒரு பகுதியாக இன்று காலை 9 மணிக்கு நடைபெற இருந்த படகுப் போட்டியும் காற்றின் வேகம் மற்றும் மழை காரணமாக ஒத்திவைக்கப்பட்டுள்ளது. காற்றின் வேகம் குறைந்து, வானிலை சீரடைந்த பின்பு படகுப் போட்டி நடத்தப்படும் என சுற்றுலாத்துறை அதிகாரிகள் தெரிவித்துள்ளனர். வானிலை சீரடையும் வரை பொதுமக்கள் மற்றும் சுற்றுலாப் பயணிகள் எச்சரிக்கையுடன் இருக்குமாறு அறிவுறுத்தப்பட்டுள்ளனர்.

நிர்வாக ஆசிரியர்-பா.விக்னேஷ்பெருமாள்.

WhatsApp Group Join Now