கல்குவாரியில் கோர விபத்து..! 5 பேர் உடல்நசுங்கி பலி..! 2 பேர் படுகாயம்..!

by Vignesh Perumal on | 2025-05-20 01:19 PM

Share:

கல்குவாரியில் கோர விபத்து..! 5 பேர் உடல்நசுங்கி பலி..! 2 பேர் படுகாயம்..!

சிவகங்கை மாவட்டம் சிங்கம்புணரி அருகே உள்ள தனியார் கல்குவாரியில் இன்று (மே 20, 2025) காலை நேர்ந்த பயங்கர விபத்தில் 5 பேர் உடல்நசுங்கி உயிரிழந்தனர். பாறை சரிந்து விழுந்ததில் இந்த கோர விபத்து நிகழ்ந்துள்ளது.

சிங்கம்புணரி அடுத்த மல்லாங்கோட்டை கிராமத்தில் உள்ள ஒரு தனியார் கல்குவாரியில் தொழிலாளர்கள் வழக்கம்போல் வேலை செய்து கொண்டிருந்தனர். அப்போது, எதிர்பாராத விதமாக ராட்சத பாறைகள் சரிந்து விழுந்தன. இந்த திடீர் விபத்தில், குவாரிக்குள் வேலை செய்து கொண்டிருந்த 5 தொழிலாளர்கள் சம்பவ இடத்திலேயே பாறைகளுக்கு அடியில் சிக்கி உடல்நசுங்கி உயிரிழந்தனர்.

விபத்து குறித்து தகவலறிந்து சம்பவ இடத்திற்கு விரைந்து வந்த மீட்புப் படையினர் மற்றும் போலீசார், இடிபாடுகளில் சிக்கியவர்களை மீட்கும் பணியில் ஈடுபட்டனர். கடும் போராட்டத்திற்குப் பிறகு, இடிபாடுகளில் சிக்கிய மேலும் இருவர் உயிருடன் மீட்கப்பட்டனர். ஆனால், அவர்கள் உயிருக்கு ஆபத்தான நிலையில் இருந்ததால், உடனடியாக மீட்கப்பட்ட இருவரும் செங்கல்பட்டு அரசு மருத்துவமனைக்கு அவசர சிகிச்சைக்காக அனுப்பி வைக்கப்பட்டனர்.

இந்த விபத்து குறித்து போலீசார் வழக்குப் பதிவு செய்து தீவிர விசாரணை மேற்கொண்டு வருகின்றனர். கல்குவாரியின் பாதுகாப்பு விதிமுறைகள் முறையாகப் பின்பற்றப்பட்டதா, விபத்துக்கான காரணம் என்ன, உரிய அனுமதியுடன் குவாரி செயல்பட்டு வந்ததா என்பது குறித்து விசாரணை நடைபெற்று வருகிறது. இந்த சம்பவம் அப்பகுதியில் பெரும் சோகத்தையும், பரபரப்பையும் ஏற்படுத்தியுள்ளது. கல்குவாரிகளில் தொழிலாளர்களின் பாதுகாப்பு உறுதி செய்யப்பட வேண்டும் என்ற கோரிக்கையும் எழுந்துள்ளது.

நிர்வாக ஆசிரியர்-பா.விக்னேஷ்பெருமாள்.

WhatsApp Group Join Now