தமிழில் 93 மதிப்பெண்கள்...! பீகார் மாணவி அசத்தல்...! குவியும் பாராட்டுக்கள்...!

by Vignesh Perumal on | 2025-05-17 05:21 PM

Share:

தமிழில் 93 மதிப்பெண்கள்...! பீகார் மாணவி அசத்தல்...! குவியும் பாராட்டுக்கள்...!

பீகார் மாநிலத்தைச் சேர்ந்த மாணவி ஜியா குமாரி, பத்தாம் வகுப்பு பொதுத் தேர்வில் 467 மதிப்பெண்கள் பெற்று சாதனை படைத்துள்ளார். குறிப்பாக, அவர் தமிழில் 93 மதிப்பெண்கள் எடுத்திருப்பது பலரது கவனத்தையும் ஈர்த்துள்ளது.

2019 ஆம் ஆண்டு ஜியா குமாரியின் குடும்பம் வேலை நிமித்தமாக சென்னைக்கு வந்துள்ளது. அதன் பிறகு, பல்லாவரத்தில் உள்ள அரசு மேல்நிலைப் பள்ளியில் ஜியா குமாரி சேர்ந்து தனது கல்வியைத் தொடர்ந்தார். தமிழ் மொழி அவருக்குப் புதிதாக இருந்தபோதிலும், கடின முயற்சியாலும் ஆர்வத்தாலும் அவர் தேர்வில் 93 மதிப்பெண்கள் பெற்றுள்ளார். ஒட்டுமொத்தமாக 467 மதிப்பெண்கள் பெற்று பள்ளியில் சிறப்பான இடத்தை அவர் பெற்றுள்ளார்.

ஜாதி, மதம், மொழி வேறுபாடுகளைக் கடந்து கல்வியில் சிறந்து விளங்கும் மாணவி ஜியா குமாரியை ஆசிரியர்கள், சக மாணவர்கள் மற்றும் பொதுமக்கள் பாராட்டி வருகின்றனர். புதிய மொழி மற்றும் கலாச்சார சூழலில் இருந்து வந்து, தமிழில் இவ்வளவு சிறப்பாக மதிப்பெண் பெற்றிருப்பது அவரது விடாமுயற்சிக்கும் திறமைக்கும் சான்றாகும். ஜியா குமாரியின் இந்த சாதனை மற்ற மாணவர்களுக்கும் ஊக்கமளிப்பதாக உள்ளது.

நிர்வாக ஆசிரியர்-பா.விக்னேஷ்பெருமாள்.

WhatsApp Group Join Now