10-ம் வகுப்பு தேர்வு முடிவுகள்..! அமைச்சர் அன்பில் மகேஷ் அறிவிப்பு..!

by Vignesh Perumal on | 2025-05-14 11:38 AM

Share:

10-ம் வகுப்பு தேர்வு முடிவுகள்..! அமைச்சர் அன்பில் மகேஷ் அறிவிப்பு..!

தமிழகம் முழுவதும் 10-ம் வகுப்பு பொதுத்தேர்வு முடிவுகள் வரும் மே 16-ம் தேதி (நாளை மறுநாள்) காலை 10 மணிக்கு வெளியிடப்படும் என்று பள்ளிக்கல்வித்துறை அமைச்சர் அன்பில் மகேஷ் பொய்யாமொழி அறிவித்துள்ளார்.

சிபிஎஸ்இ 10-ம் வகுப்புத் தேர்வு முடிவுகள் நேற்று (மே 13, 2025) வெளியான நிலையில், தமிழக அரசுப் பள்ளிகளில் பயின்ற மாணவர்களின் 10-ம் வகுப்பு தேர்வு முடிவுகளுக்காக மாணவர்கள் மற்றும் பெற்றோர்கள் மிகுந்த எதிர்பார்ப்புடன் காத்திருந்தனர்.

இந்த நிலையில், பள்ளிக்கல்வித்துறை அமைச்சர் அன்பில் மகேஷ் பொய்யாமொழி இன்று இந்த அறிவிப்பை வெளியிட்டுள்ளார். மே 16-ம் தேதி காலை 10 மணிக்கு 10-ம் வகுப்பு தேர்வு முடிவுகள் வெளியிடப்படும் என்று அவர் தெரிவித்துள்ளார்.

தேர்வு முடிவுகளை மாணவர்கள் www.tnresults.nic.in, www.dge.tn.gov.in ஆகிய இணையதளங்களில் தங்களது பதிவெண் மற்றும் பிறந்த தேதியை பதிவு செய்து தெரிந்து கொள்ளலாம். மேலும், மாணவர்கள் தாங்கள் பயின்ற பள்ளிகளிலும் தேர்வு முடிவுகளை அறிந்து கொள்ளலாம்.

10-ம் வகுப்பு தேர்வு முடிவுகள் வெளியாவதால் மாணவர்கள் மற்றும் பெற்றோர்கள் மிகுந்த எதிர்பார்ப்புடன் உள்ளனர். தேர்வு முடிவுகள் குறித்த கூடுதல் தகவல்கள் விரைவில் பள்ளிக்கல்வித்துறை சார்பில் வெளியிடப்படும் என்று எதிர்பார்க்கப்படுகிறது.

நிர்வாக ஆசிரியர்-பா.விக்னேஷ்பெருமாள்.

WhatsApp Group Join Now