இரு குழந்தைகளை கொன்று..! தம்பதியும் தற்கொலை..! பெரும் சோகம்...!

by Vignesh Perumal on | 2025-05-14 11:04 AM

Share:

இரு குழந்தைகளை கொன்று..! தம்பதியும் தற்கொலை..! பெரும் சோகம்...!

திருச்சி மாவட்டம் மேல கல்கண்டார் கோட்டை பகுதியில் இன்று ஜவுளிக் கடை உரிமையாளர் அலெக்ஸ், அவரது மனைவி விக்டோரியா ஆகியோர் தங்களது 9 மற்றும் 3 வயதுடைய இரு பெண் குழந்தைகளைக் கொலை செய்துவிட்டு பின்னர் தற்கொலை செய்து கொண்ட சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.

சம்பவம் குறித்து போலீசார் கூறியதாவது: 'அலெக்ஸ் மற்றும் விக்டோரியா தம்பதியினர் மேல கல்கண்டார் கோட்டை பகுதியில் வசித்து வந்தனர். இவர்களுக்கு 9 வயதில் ஒரு மகளும், 3 வயதில் ஒரு மகளும் இருந்தனர். இன்று காலை அவர்கள் வீட்டில் யாரும் கதவைத் திறக்காததால் சந்தேகமடைந்த அக்கம்பக்கத்தினர் போலீசாருக்கு தகவல் அளித்தனர்.

சம்பவ இடத்திற்கு விரைந்து வந்த போலீசார் கதவை உடைத்து உள்ளே சென்று பார்த்தபோது, அலெக்ஸ், விக்டோரியா மற்றும் அவர்களது இரு குழந்தைகள் ஆகியோர் உயிரிழந்த நிலையில் கிடந்தனர். முதற்கட்ட விசாரணையில், அலெக்ஸ் மற்றும் விக்டோரியா ஆகியோர் தங்களது இரு குழந்தைகளுக்கும் விஷம் கொடுத்து கொலை செய்துவிட்டு பின்னர் அவர்களும் தற்கொலை செய்து கொண்டது தெரியவந்துள்ளது' என்று கூறப்பட்டுள்ளது.

மேலும், தற்கொலைக்கான காரணம் குறித்து போலீசார் தீவிரமாக விசாரித்து வருகின்றனர். குடும்பப் பிரச்சனை அல்லது வேறு ஏதேனும் காரணங்கள் தற்கொலைக்கு தூண்டியது என்பது குறித்து விசாரணை நடைபெற்று வருகிறது. தடயவியல் நிபுணர்கள் சம்பவ இடத்திற்கு வரவழைக்கப்பட்டு தடயங்களை சேகரித்து வருகின்றனர்.

இரு குழந்தைகளை கொன்றுவிட்டு தம்பதி தற்கொலை செய்து கொண்ட இந்த சம்பவம் அப்பகுதி மக்களை சோகத்தில் ஆழ்த்தியுள்ளது. போலீசார் தொடர்ந்து விசாரணை மேற்கொண்டு வருகின்றனர். உடற்கூறு ஆய்வுக்காக உடல்கள் திருச்சி அரசு மருத்துவமனைக்கு அனுப்பி வைக்கப்பட்டுள்ளன.

நிர்வாக ஆசிரியர்-பா.விக்னேஷ்பெருமாள்.

WhatsApp Group Join Now