நள்ளிரவில் அத்துமீறிய இராணுவம்...! எல்லையில் பதற்றம்...!

by Vignesh Perumal on | 2025-04-26 11:39 AM

Share:

நள்ளிரவில் அத்துமீறிய இராணுவம்...! எல்லையில் பதற்றம்...!

காஷ்மீர் எல்லைக்கோட்டுப் பகுதியின் பல்வேறு இடங்களில் நேற்று நள்ளிரவு பாகிஸ்தான் ராணுவம் அத்துமீறி துப்பாக்கிச்சூடு நடத்தியதாக இந்திய ராணுவம் தெரிவித்துள்ளது.

இந்திய ராணுவ வட்டாரங்கள் கூறுகையில், பூஞ்ச் மற்றும் ரஜৌரி உள்ளிட்ட எல்லைக்கோட்டுப் பகுதிகளில் பாகிஸ்தான் ராணுவத்தினர் சிறிய ரக துப்பாக்கிகள் மற்றும் மோட்டார் ஷெல்களை பயன்படுத்தி தாக்குதல் நடத்தினர். இந்த தாக்குதல் நள்ளிரவு தொடங்கி அதிகாலை வரை நீடித்ததாக தெரிவிக்கப்பட்டுள்ளது.

பாகிஸ்தான் ராணுவத்தின் இந்த அத்துமீறிய தாக்குதலுக்கு இந்திய தரப்பில் உடனடியாக பதிலடி கொடுக்கப்பட்டது. இந்திய ராணுவ வீரர்களும் தகுந்த பதிலடி தாக்குதலை நடத்தியதாக அந்த வட்டாரங்கள் மேலும் தெரிவித்தன.

நேற்று நள்ளிரவு நடைபெற்ற இந்த துப்பாக்கிச்சூடு சம்பவத்தில் இரு தரப்பிலும் எந்தவித உயிரிழப்புகளும் ஏற்படவில்லை என்று இந்திய ராணுவம் தகவல் தெரிவித்துள்ளது. தற்போது எல்லைப்பகுதிகளில் பதற்றமான சூழ்நிலை நிலவுவதாக கூறப்படுகிறது. தொடர்ந்து அப்பகுதியில் இந்திய ராணுவம் கண்காணிப்பு மற்றும் பாதுகாப்பை பலப்படுத்தி வருகிறது.

சமீப காலமாக காஷ்மீர் எல்லைக்கோட்டுப் பகுதியில் பாகிஸ்தான் ராணுவத்தின் அத்துமீறிய துப்பாக்கிச்சூடு சம்பவங்கள் அதிகரித்து வருவது குறிப்பிடத்தக்கது. இதற்கு இந்திய ராணுவம் தக்க பதிலடி கொடுத்து வருகிறது.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now