காஷ்மீர்-பஹல்காம் பயங்கரவாத தாக்குதல்.....! எஸ்டிபிஐ கடும் கண்டனம்....!

by Vignesh Perumal on | 2025-04-23 09:37 AM

Share:

காஷ்மீர்-பஹல்காம் பயங்கரவாத தாக்குதல்.....! எஸ்டிபிஐ கடும் கண்டனம்....!

ஜம்மு-காஷ்மீர் மாநிலம் பஹல்காமில் சுற்றுலாப் பயணிகள் மீது நடத்தப்பட்ட பயங்கரவாத தாக்குதலுக்கு சோசியல் டெமாக்ரடிக் பார்ட்டி ஆஃப் இந்தியா (எஸ்டிபிஐ) கடும் கண்டனம் தெரிவித்துள்ளது.

இதுகுறித்து எஸ்டிபிஐ கட்சியின் மாநிலத் தலைவர் நெல்லை முபாரக் இன்று வெளியிட்டுள்ள அறிக்கையில், "பஹல்காமில் சுற்றுலாப் பயணிகள் மீது பயங்கரவாதிகள் நடத்திய மூர்க்கத்தனமான தாக்குதல் அதிர்ச்சியையும் வேதனையையும் ஏற்படுத்துகிறது. 27 அப்பாவி உயிர்களை பலி வாங்கிய இந்த செயலை எஸ்டிபிஐ கட்சி வன்மையாக கண்டிக்கிறது. இத்தகைய தாக்குதலை எந்த விதத்திலும் நியாயப்படுத்த முடியாது. இந்தத் தாக்குதலில் உயிரிழந்தவர்களின் குடும்பத்தினருக்கு எங்களது ஆழ்ந்த இரங்கலைத் தெரிவித்துக் கொள்கிறேன்" என்று குறிப்பிட்டுள்ளார்.

மேலும், சுற்றுலாப் பயணிகளின் பாதுகாப்பை உறுதி செய்யத் தவறிய பாதுகாப்புப் படைகளின் செயல்பாடு ஏமாற்றமளிப்பதாகவும் அவர் தனது அறிக்கையில் தெரிவித்துள்ளார்.

இந்த தாக்குதலில் தமிழகத்தை சேர்ந்தவர்களும் பாதிக்கப்பட்டுள்ளதாக செய்திகள் வெளியாகி உள்ளதாகக் குறிப்பிட்ட நெல்லை முபாரக், அவர்களின் பாதுகாப்பை உறுதி செய்ய தமிழக அரசு உடனடி நடவடிக்கை எடுத்திட வேண்டும் என்றும் வலியுறுத்தியுள்ளார்.

எஸ்டிபிஐ கட்சியின் இந்த கண்டனம் மற்றும் கோரிக்கை, பஹல்காம் பயங்கரவாத தாக்குதலின் தீவிரத்தையும், அதில் பாதிக்கப்பட்டவர்களின் நலன் குறித்த அக்கறையையும் வெளிப்படுத்துகிறது.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now