சிஎஸ்கே இனிவரும் தொடர்களில் வெற்றிபெறும்......! அணியின் இயக்குனர் காசி விஸ்வநாதன் பேட்டி....!

by Vignesh Perumal on | 2025-04-22 05:26 PM

Share:

சிஎஸ்கே இனிவரும் தொடர்களில் வெற்றிபெறும்......! அணியின் இயக்குனர் காசி விஸ்வநாதன் பேட்டி....!

சென்னை சூப்பர் கிங்ஸ் (சிஎஸ்கே) அணி தொடர்ச்சியாக பல போட்டிகளில் தோல்வி அடைந்திருந்தாலும், இனிவரும் போட்டிகளில் சிறப்பாக விளையாடி வெற்றி பெறும் என்று அணியின் இயக்குனர் காசி விஸ்வநாதன் நம்பிக்கை தெரிவித்துள்ளார்.

நடப்பு ஐபிஎல் சீசனில் சிஎஸ்கே அணி இதுவரை எதிர்பார்த்த அளவிற்கு ஆட்டத்தை வெளிப்படுத்தவில்லை. இதனால் ரசிகர்கள் ஏமாற்றம் அடைந்துள்ளனர். இந்நிலையில், அணியின் இயக்குனர் காசி விஸ்வநாதன் இன்று செய்தியாளர்களிடம் பேசுகையில், "இந்த ஆண்டு சென்னை அணி, இதுவரை சரியாக விளையாடவில்லை என்பதை நாங்கள் ஒப்புக்கொள்கிறோம். ஆனால், வரக்கூடிய போட்டிகளில் எங்கள் வீரர்கள் தங்களது முழு திறமையையும் வெளிப்படுத்தி வெற்றி பெறுவார்கள்" என்று கூறினார்.

மேலும், அணியில் உள்ள ஒவ்வொரு வீரரும் திறமையானவர்கள் என்றும், ஒரு சில போட்டிகளில் ஏற்பட்ட பின்னடைவை சரிசெய்து மீண்டு வருவார்கள் என்றும் அவர் நம்பிக்கை தெரிவித்தார். "நாங்கள் தொடர்ந்து வீரர்களுக்கு ஆதரவாக இருப்போம். அவர்கள் தங்களது பலத்தை உணர்ந்து சிறப்பாக விளையாடுவார்கள்" என்றும் விஸ்வநாதன் கூறினார்.

ரசிகர்கள் தொடர்ந்து அணிக்கு ஆதரவு அளிக்க வேண்டும் என்றும், வரக்கூடிய போட்டிகளில் சிஎஸ்கே நிச்சயம் வெற்றி பெறும் என்றும் அவர் உறுதியளித்தார். அணியின் இயக்குனர் இவ்வாறு நம்பிக்கை தெரிவித்துள்ளதால், சிஎஸ்கே ரசிகர்கள் இனிவரும் போட்டிகளில் அணியின் சிறப்பான ஆட்டத்தை எதிர்பார்த்து காத்திருக்கின்றனர்.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now