தேர்வு எழுதச் சென்ற மாணவி மாயம்....! காவல்துறைக்கு பாராட்டு....!

by Vignesh Perumal on | 2025-04-16 10:29 AM

Share:

தேர்வு எழுதச் சென்ற மாணவி மாயம்....! காவல்துறைக்கு பாராட்டு....!

ஈரோடு மாவட்டம் பவானியில் பத்தாம் வகுப்பு பொதுத்தேர்வு எழுதிய ஐந்து மாணவிகள் மாயமான சம்பவம் பெரும் பரபரப்பை ஏற்படுத்தியது. தேர்வு முடிந்த கையோடு வீட்டை விட்டுச் சென்ற மாணவிகள் இரவு வரை வீடு திரும்பாததால், பதற்றமடைந்த பெற்றோர்கள் பவானி காவல் நிலையத்தில் புகார் அளித்தனர்.

புகாரின் அடிப்படையில் உடனடியாக களத்தில் இறங்கிய காவல்துறையினர், மாயமான மாணவிகள் குறித்து தீவிர விசாரணை மேற்கொண்டனர். மாணவிகளில் ஒருவர் கைபேசி வைத்திருந்ததால், அந்த எண்ணை வைத்து அவர்களின் இருப்பிடத்தை கண்டறியும் முயற்சியில் போலீசார் ஈடுபட்டனர். தொலைபேசி சிக்னலை வைத்து டிரேஸ் செய்ததில், மாணவிகள் திருச்சி சமயபுரத்தில் இருப்பது தெரியவந்தது.

இதனையடுத்து, பவானி காவல்துறையினர் உடனடியாக திருச்சி சமயபுரத்திற்கு விரைந்து சென்று அங்கு இருந்த ஐந்து மாணவிகளையும் பத்திரமாக மீட்டனர். மாணவிகள் மீட்கப்பட்ட தகவலை அறிந்ததும், அவர்களின் பெற்றோர் நிம்மதி அடைந்தனர். காவல்துறையினர் உடனடியாக பெற்றோர்களுக்கு தகவல் தெரிவித்தனர்.

மாணவிகள் ஏன் வீட்டை விட்டுச் சென்றார்கள் என்பது குறித்து இதுவரை எந்த தகவலும் வெளியாகவில்லை. அவர்களை பவானிக்கு அழைத்து வந்த பிறகு காவல்துறையினர் விசாரணை மேற்கொண்டு, அவர்கள் சென்றதற்கான காரணம் குறித்து விசாரிப்பார்கள் என்று எதிர்பார்க்கப்படுகிறது. இந்த சம்பவம் அப்பகுதியில் பெரும் பரபரப்பை ஏற்படுத்திய நிலையில், மாணவிகள் பத்திரமாக மீட்கப்பட்டது அனைவரையும் நிம்மதியடைய செய்துள்ளது. காவல்துறையினரின் துரித நடவடிக்கைக்கு பெற்றோர்கள் மற்றும் பொதுமக்கள் பாராட்டு தெரிவித்துள்ளனர்.

WhatsApp Group Join Now