வாட்ஸ்அப்பில் புதிய அப்டேட்.....! மகிழ்ச்சியில் பயனர்கள்....!

by Vignesh Perumal on | 2025-04-16 10:08 AM

Share:

வாட்ஸ்அப்பில் புதிய அப்டேட்.....! மகிழ்ச்சியில் பயனர்கள்....!

வாட்ஸ்அப் நிறுவனம் தனது பயனர்களின் வசதிக்காக அவ்வப்போது புதிய அப்டேட்களை வெளியிட்டு வருகிறது. அந்த வரிசையில், தற்போது ஸ்டேட்டஸ் வீடியோக்களின் நேர அளவை அதிகரித்துள்ளது. இனி பயனர்கள் 90 வினாடிகள் வரை நீளமான வீடியோக்களை தங்களது வாட்ஸ்அப் ஸ்டேட்டஸில் பதிவிட முடியும்.

இதுவரை, வாட்ஸ்அப் பயனர்கள் அதிகபட்சமாக 60 வினாடிகள் கொண்ட வீடியோக்களை மட்டுமே ஸ்டேட்டஸாக வைக்க முடிந்தது. இந்த குறுகிய நேர அளவு காரணமாக, பலரும் தங்களுக்குப் பிடித்தமான முழு வீடியோவையும் ஸ்டேட்டஸில் பகிர முடியாமல் சிரமப்பட்டு வந்தனர். இந்த நிலையில், வாட்ஸ்அப் நிறுவனம் பயனர்களின் கோரிக்கையை ஏற்று ஸ்டேட்டஸ் வீடியோவின் நேர அளவை 30 வினாடிகள் அதிகரித்து 90 வினாடிகளாக உயர்த்தியுள்ளது.

இந்த புதிய அம்சம் தற்போது வாட்ஸ்அப்பின் பீட்டா (BETA) பயனர்களுக்கு மட்டும் வழங்கப்பட்டுள்ளது. பீட்டா பயனர்கள் இந்த புதிய வசதியை பயன்படுத்தி வருகின்றனர். அவர்களின் கருத்துகள் மற்றும் சோதனை முடிவுகளுக்குப் பிறகு, இந்த அம்சம் விரைவில் அனைத்து வாட்ஸ்அப் பயனர்களுக்கும் அதிகாரப்பூர்வமாக வெளியிடப்படும் என்று எதிர்பார்க்கப்படுகிறது.

இந்த புதிய அப்டேட் மூலம், பயனர்கள் இனி தங்களுக்கு விருப்பமான நீண்ட வீடியோ கிளிப்புகள், விழாக்கள், மற்றும் முக்கியமான நிகழ்வுகளின் முழுமையான காட்சிகளை தங்களது ஸ்டேட்டஸில் பகிர்ந்து கொள்ள முடியும். இது வாட்ஸ்அப் பயனர்களுக்கு ஒரு புதிய மற்றும் மேம்பட்ட அனுபவத்தை வழங்கும் என்று நம்பப்படுகிறது.

விரைவில் இந்த அம்சம் அனைத்து ஆண்ட்ராய்டு மற்றும் ஐஓஎஸ் பயனர்களுக்கும் கிடைக்கும் என எதிர்பார்க்கப்படுகிறது.

WhatsApp Group Join Now