கஞ்சா கடத்தல்...! சினிமா பாணியில் கைது செய்து போலீஸ்....!

by Vignesh Perumal on | 2025-04-15 08:21 PM

Share:

கஞ்சா கடத்தல்...! சினிமா பாணியில் கைது செய்து போலீஸ்....!

மதுரை போதைப்பொருள் தடுப்பு சிறப்பு நீதிமன்றம் இன்று (ஏப்ரல் 15, 2025) திண்டுக்கல் கஞ்சா கடத்தல் வழக்கில் தீர்ப்பு வழங்கியுள்ளது. கடந்த 2022 ஆம் ஆண்டு திண்டுக்கல்லில் 37 கிலோ கஞ்சாவுடன் கைது செய்யப்பட்ட 5 பேரில் 4 பேருக்கு 10 ஆண்டுகள் சிறை தண்டனையும், ஒருவருக்கு 7 ஆண்டுகள் சிறை தண்டனையும் விதிக்கப்பட்டுள்ளது.

கடந்த 2022 ஆம் ஆண்டு திண்டுக்கல் பகுதியில் போதைப்பொருள் நுண்ணறிவுப் பிரிவு காவல்துறையினர் நடத்திய சோதனையில் முத்துஇருள் (வயது 31), சுரேஷ்குமார் (வயது 27), தேவயானி (வயது 28), அஜய்கண்ணன் (வயது 24) மற்றும் செந்தில் (வயது 49) ஆகிய 5 பேர் கைது செய்யப்பட்டனர். அவர்களிடம் இருந்து 37 கிலோ கஞ்சா பறிமுதல் செய்யப்பட்டது. இந்த வழக்கு மதுரை போதைப்பொருள் தடுப்பு சிறப்பு நீதிமன்றத்தில் விசாரிக்கப்பட்டு வந்தது.

இன்று இந்த வழக்கில் தீர்ப்பளித்த சிறப்பு நீதிமன்ற நீதிபதி, குற்றம் சாட்டப்பட்ட முத்துஇருள், சுரேஷ்குமார், தேவயானி மற்றும் அஜய்கண்ணன் ஆகிய நான்கு பேருக்கும் தலா 10 ஆண்டுகள் சிறை தண்டனையும், தலா ஒரு லட்சம் ரூபாய் அபராதமும் விதித்தார். மேலும், இந்த வழக்கில் தொடர்புடைய மற்றொரு குற்றவாளியான செந்தில் என்பவருக்கு 7 ஆண்டுகள் சிறை தண்டனையும், 70 ஆயிரம் ரூபாய் அபராதமும் விதித்து நீதிபதி உத்தரவிட்டார்.

கஞ்சா கடத்தல் வழக்கில் குற்றவாளிகளுக்கு கடுமையான தண்டனை வழங்கப்பட்டிருப்பது போதைப்பொருள் குற்றங்களுக்கு எதிரான நடவடிக்கைகளுக்கு வலு சேர்க்கும் என்று சட்ட நிபுணர்கள் கருத்து தெரிவித்துள்ளனர். திண்டுக்கல் பகுதியில் போதைப்பொருள் நடமாட்டத்தை கட்டுப்படுத்த காவல்துறையினர் தொடர்ந்து தீவிர கண்காணிப்பில் ஈடுபட்டு வருகின்றனர்.

WhatsApp Group Join Now