அதிமுக கூட்டணி குறித்து ஆடிட்டர் குருமூர்த்தி காட்டம்....!

by Vignesh Perumal on | 2025-04-15 02:59 PM

Share:

அதிமுக கூட்டணி குறித்து ஆடிட்டர் குருமூர்த்தி காட்டம்....!

ஆடிட்டர் குருமூர்த்தி அண்மையில் அதிமுக மற்றும் பாஜக கூட்டணி குறித்து சில கருத்துக்களை தெரிவித்துள்ளார். அதில், அதிமுகவின் முதல் விருப்பம் நடிகர் விஜய் தான் என்றும், அது நடக்காத காரணத்தால் தான் பாஜகவுடன் கூட்டணி அமைத்திருப்பதாக தனக்குத் தோன்றுவதாகவும் அவர் கூறியுள்ளார்.

குருமூர்த்தி இது தொடர்பாக கூறியதாவது: "அதிமுகவின் முதல் விருப்பம் விஜய் தான். ஆனால், அது நடக்கவில்லை. அது ஏன் நடக்கவில்லை என்பதை நான் சொல்ல விரும்பவில்லை. அது நடந்திருந்தால் எடப்பாடி பழனிசாமிக்கு 90 சீட்டுகள் மற்றும் விஜய்க்கு துணை முதல்வர் பதவி கொடுத்திருக்க வேண்டும். அப்படி நடந்திருந்தால் எடப்பாடி பழனிசாமியின் அதிகாரத்திற்கே பங்கம் வந்திருக்கும். அது அவருக்கு பிடிக்கவில்லை. விஜய்க்கு துணை முதல்வர் பதவி கொடுத்தால், எடப்பாடி பழனிசாமி சொல்வதை விஜய் கேட்பாரா? அதற்கான வாய்ப்பு இல்லை.

விஜய் தனது கட்சியை பலப்படுத்த போகிறார். அவர் அதிமுகவுடன் கூட்டணிக்கு வர விரும்பவில்லை. அதிமுகவை பொறுத்தவரை, விஜய்க்கு துணை முதல்வர் பதவி கொடுத்திருந்தால் எடப்பாடி பழனிசாமியின் அதிகாரத்திற்கே பங்கம் வந்திருக்கும். அந்த காரணத்தாலேயே அவர் விஜய்யை கூட்டணிக்கு அழைக்கவில்லை என்று தோன்றுகிறது. அதிமுக தற்போது பாஜகவுடன் கூட்டணி அமைத்துள்ளது. அது ஏன் நடந்தது என்பது எல்லோருக்கும் தெரியும்."

குருமூர்த்தியின் இந்த கருத்துக்கள் தமிழக அரசியல் வட்டாரங்களில் பரபரப்பை ஏற்படுத்தியுள்ளது. இந்த கருத்துக்கள் அதிமுக மற்றும் விஜய் தரப்பில் இருந்து இதுவரை எந்தவிதமான எதிர்வினையும் வரவில்லை என்பது குறிப்பிடத்தக்கது.

WhatsApp Group Join Now