இளைஞருடன் பேசிய இளம்பெண்ணுக்கு நேர்ந்த கொடூரம்....!

by Vignesh Perumal on | 2025-04-14 12:45 PM

Share:

இளைஞருடன் பேசிய இளம்பெண்ணுக்கு நேர்ந்த கொடூரம்....!

உத்தரப் பிரதேச மாநிலம் முசாபர்நகரில் ஒரு அதிர்ச்சியூட்டும் சம்பவம் நிகழ்ந்துள்ளது. இந்து மதத்தைச் சேர்ந்த இளைஞர் ஒருவருடன் பேசியதற்காக முஸ்லிம் பெண் ஒருவரின் ஹிஜாப்பை சக முஸ்லிம் இளைஞர்களே வலுக்கட்டாயமாக இழுத்து தொல்லை செய்துள்ளனர்.

முசாபர்நகரில் நடந்த இந்த சம்பவத்தின்போது, அந்தப் பெண்மணியை தகாத முறையில் அணுகிய இளைஞர்கள் அதனை வீடியோவாகவும் பதிவு செய்துள்ளனர். இந்த வீடியோ சமூக வலைத்தளங்களில் வேகமாக பரவியதை அடுத்து, இந்த சம்பவம் வெளிச்சத்திற்கு வந்துள்ளது. வீடியோவில், அந்தப் பெண்மணியின் ஹிஜாப்பை இளைஞர்கள் இழுப்பதும், அவரை மிரட்டுவதும் பதிவாகியுள்ளது. அந்தப் பெண் உதவிக்காக கதறுவதும் கேட்கிறது.

சம்பவத்தின் வீடியோ வைரலானதை தொடர்ந்து, முசாபர்நகர் காவல்துறையினர் உடனடியாக நடவடிக்கை எடுத்தனர். வீடியோவில் இருந்த இளைஞர்களை அடையாளம் கண்டு காவல் நிலையத்திற்கு அழைத்து விசாரித்தனர். காவல்துறையினர் அவர்களை தங்கள் பாணியில் கண்டித்து, இதுபோன்ற செயல்களில் ஈடுபடக்கூடாது என்று எச்சரித்து அனுப்பி வைத்துள்ளனர்.

இந்த சம்பவம் சமூக வலைத்தளங்களில் பெரும் கொந்தளிப்பை ஏற்படுத்தியுள்ளது. மதத்தின் பெயரால் ஒரு பெண்ணை துன்புறுத்திய இளைஞர்களின் செயலுக்கு பலரும் கடும் கண்டனம் தெரிவித்து வருகின்றனர். மேலும், காவல்துறையினர் அவர்களை வெறும் அறிவுரை கூறி அனுப்பியது சரியல்ல என்றும், கடுமையான நடவடிக்கை எடுத்திருக்க வேண்டும் என்றும் சிலர் கருத்து தெரிவித்து வருகின்றனர்.

இந்த சம்பவம் உத்தரப் பிரதேசத்தில் சட்டம் ஒழுங்கு நிலை குறித்து கேள்விகளை எழுப்பியுள்ளது. சிறுபான்மை சமூகத்தைச் சேர்ந்த பெண்ணுக்கு நேர்ந்த இந்த கொடுமைக்கு உரிய நீதி கிடைக்க வேண்டும் என்று பலரும் வலியுறுத்தி வருகின்றனர்.

WhatsApp Group Join Now