அம்பேத்கர் பிறந்த நாள்....! முதலமைச்சர் நேரில் மலர் தூவி மரியாதை....!

by Vignesh Perumal on | 2025-04-14 12:20 PM

Share:

அம்பேத்கர் பிறந்த நாள்....! முதலமைச்சர் நேரில் மலர் தூவி மரியாதை....!

இன்று (ஏப்ரல் 14, 2025), டாக்டர் அம்பேத்கர் அவர்களின் 135வது பிறந்தநாளை முன்னிட்டு, சென்னை ராஜா அண்ணாமலைபுரத்தில் அமைந்துள்ள அம்பேத்கர் மணி மண்டபத்தில் வைக்கப்பட்டிருந்த அவரது திருவுருவப் படத்திற்கு தமிழ்நாடு முதலமைச்சர் மு.க.ஸ்டாலின் மலர் தூவி மரியாதை செலுத்தினார்.

முதலமைச்சர் மு.க.ஸ்டாலின், அம்பேத்கர் மணி மண்டபத்திற்கு வருகை தந்து, அங்கு அலங்கரிக்கப்பட்டிருந்த டாக்டர் அம்பேத்கரின் திருவுருவப் படத்திற்கு மலர்களை தூவி மரியாதை செலுத்தினார். இந்த நிகழ்வில், விடுதலை சிறுத்தைகள் கட்சித் தலைவர் தொல். திருமாவளவன், துணை முதலமைச்சர் உதயநிதி ஸ்டாலின் மற்றும் மாநில அமைச்சர்கள், நாடாளுமன்ற உறுப்பினர்கள், சட்டமன்ற உறுப்பினர்கள் உள்ளிட்டோர் உடனிருந்தனர்.

முதலமைச்சர் மு.க.ஸ்டாலின், அம்பேத்கர் அவர்களின் பங்களிப்பை நினைவு கூர்ந்தார். மேலும், சமூக நீதி மற்றும் சமத்துவத்திற்காக தமிழ்நாடு அரசு தொடர்ந்து பாடுபடும் என்றும் அவர் தெரிவித்தார். இந்த மரியாதை செலுத்தும் நிகழ்வில் ஏராளமான திமுக தொண்டர்கள் மற்றும் பொதுமக்கள் கலந்து கொண்டனர்.

இதனைத் தொடர்ந்து, முதலமைச்சர் மு.க.ஸ்டாலின் அவர்கள் சமத்துவ நாள் உறுதிமொழியையும் ஏற்றார். மேலும், அம்பேத்கர் மணி மண்டபத்தில் நடைபெற்ற நிகழ்ச்சியில், முதலமைச்சர் மு.க.ஸ்டாலின் அவர்களால் தமிழாக்கம் செய்யப்பட்ட அண்ணல் அம்பேத்கரின் இரண்டு நூல்கள் மற்றும் வன உரிமைச் சட்டத்திற்கான வரைபடத்தையும் அவர் வெளியிட்டார்.

முதலமைச்சர் மு.க.ஸ்டாலின், அம்பேத்கரின் பிறந்தநாளை சமத்துவ நாளாக கொண்டாடுவது சமூக நல்லிணக்கத்தை மேலும் வலுப்படுத்தும் என்று குறிப்பிட்டார்.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now