டிடிவி தினகரன்...! திடீரென ஏற்பட்ட உடல்நலப் பிரச்சினை..! மருத்துவமனையில் அனுமதி...!

by Vignesh Perumal on | 2025-04-11 03:07 PM

Share:

டிடிவி தினகரன்...! திடீரென ஏற்பட்ட உடல்நலப் பிரச்சினை..! மருத்துவமனையில் அனுமதி...!

அம்மா மக்கள் முன்னேற்றக் கழகத்தின் (அமமுக) பொதுச் செயலாளர் டிடிவி தினகரன் அவர்கள் சென்னையில் உள்ள தனியார் மருத்துவமனையில் அனுமதிக்கப்பட்டுள்ளார். அவருக்கு நேற்று இரவு திடீரென நெஞ்சுவலி ஏற்பட்டதாகவும், அதனைத் தொடர்ந்து அவர் உடனடியாக மருத்துவமனையில் சேர்க்கப்பட்டதாகவும் தகவல்கள் தெரிவிக்கின்றன.

அவர் எந்த மருத்துவமனையில் அனுமதிக்கப்பட்டுள்ளார் என்ற சரியான தகவல் இன்னும் வெளியாகவில்லை. இருப்பினும், சில ஊடக அறிக்கைகள் அவர் சென்னை கிரீம்ஸ் சாலையில் உள்ள அப்போலோ மருத்துவமனையில் அனுமதிக்கப்பட்டுள்ளதாகக் கூறுகின்றன.

டிடிவி தினகரனுக்கு ஆஞ்சியோகிராம் பரிசோதனை செய்யப்பட வாய்ப்புள்ளதாகவும் செய்திகள் தெரிவிக்கின்றன. அதே நேரத்தில், இது வழக்கமான மருத்துவ பரிசோதனைக்காக அனுமதிக்கப்பட்டாரா என்ற குழப்பமும் நிலவுகிறது. அமமுக தரப்பில் இருந்து இதுகுறித்து அதிகாரப்பூர்வமான தகவல் எதுவும் இதுவரை வெளியிடப்படவில்லை.

மத்திய உள்துறை அமைச்சர் அமித் ஷா இரண்டு நாள் பயணமாக சென்னை வந்துள்ள நிலையில், பாஜக கூட்டணியில் உள்ள அமமுகவின் பொதுச் செயலாளர் டிடிவி தினகரன் அவரை இன்று சந்திக்க இருந்தார் என்பது குறிப்பிடத்தக்கது. இந்த சந்திப்பு நடைபெறுமா என்பது அவரது உடல்நிலையைப் பொறுத்தே அமையும்.

WhatsApp Group Join Now