அறிவுத் தீ பரவட்டும்...! உலகிற்கு கொண்டு செல்லுங்கள்..! முதல்வர் எழுச்சி உரை..!

by Vignesh Perumal on | 2026-01-18 03:04 PM

Share:

அறிவுத் தீ பரவட்டும்...! உலகிற்கு கொண்டு செல்லுங்கள்..! முதல்வர் எழுச்சி உரை..!

தமிழ்நாட்டை அறிவார்ந்த சமூகமாக மாற்றவும், தமிழ் இலக்கியத்தின் பெருமையை உலகறியச் செய்யவும் தமிழக அரசு எடுத்து வரும் புதிய முயற்சிகளை முதலமைச்சர் மு.க.ஸ்டாலின் அவர்கள் விரிவாக எடுத்துரைத்தார்.

இந்தியாவின் செம்மொழிகளைப் போற்றும் வகையிலும், பிற மொழி இலக்கியவாதிகளுடன் உறவை மேம்படுத்தவும் ஒரு வரலாற்றுச் சிறப்புமிக்க அறிவிப்பை முதலமைச்சர் வெளியிட்டார்.

சிறந்த இலக்கியப் படைப்புகளுக்குத் தமிழ்நாடு அரசு சார்பில் இனி செம்மொழி இலக்கிய விருது வழங்கப்படும். இந்த விருதுடன் ரூ. 5 லட்சம் ரொக்கப் பரிசும், பாராட்டுச் சான்றிதழும் வழங்கப்படும்.

பன்மொழி அங்கீகாரம், தமிழ் மட்டுமின்றி தேசிய அளவில் தெலுங்கு, கன்னடம், மலையாளம், ஒடியா, வங்காளம், மராட்டியம் ஆகிய செம்மொழித் தகுதி பெற்ற மற்றும் தொன்மையான மொழிகளில் சிறந்து விளங்கும் படைப்புகளுக்கு இந்த விருது வழங்கப்பட்டு கௌரவிக்கப்படும்.

தமிழகத்தின் வளர்ச்சியைப் பொருளாதாரத்தோடு மட்டும் சுருக்கிக் கொள்ளாமல், அறிவார்ந்த தளத்திலும் ஒப்பிட்டு முதலமைச்சர் பேசினார்.

உலகின் மிகச்சிறந்த உயரிய சிந்தனைகள் அனைத்தும் மொழிபெயர்ப்புகள் மற்றும் புத்தகங்கள் வாயிலாக நம் மக்களுக்கு வந்து சேர வேண்டும் என்ற கனவு தற்போது நனவாகி வருகிறது.

தொழில் தொடங்க முதலீடுகளை ஈர்ப்பதில் மட்டுமல்லாமல், உலக நாடுகளுடன் அறிவைப் பகிர்ந்து கொள்வதிலும் (Knowledge Sharing) இந்தியாவின் சிறந்த மாநிலமாகத் தமிழ்நாடு திகழ்கிறது.

விழாவில் பங்கேற்ற சர்வதேசப் பிரதிநிதிகளிடம் பேசிய முதல்வர், "மனிதநேயம் மற்றும் சமூக நீதியைப் பேசும் எங்கள் திராவிட இயக்கக் கருத்துகளை உங்கள் நாடுகளுக்கு அறிமுகப்படுத்துங்கள்" என வேண்டுகோள் விடுத்தார்.

வாசிப்புப் பழக்கம் மற்றும் திராவிட இயக்கத்தின் பங்களிப்பு குறித்து முதலமைச்சர் நெகிழ்ச்சியுடன் பேசினார்.

சமூகத்தில் இருந்த தேக்க நிலையை, பழமைவாதங்களைப் பொசுக்கித் தமிழ்நாட்டைப் பண்படுத்தியது திராவிட இயக்கம். அந்தப் புரட்சி இப்போதும் தொடர வேண்டும்."

மனித இனம் தனது உன்னதமான சிந்தனைகளை அடுத்த தலைமுறைக்கும், பிறருக்கும் கடத்த வேண்டும் என்பதே புத்தகங்களின் அடிப்படைப் பயன்பாடு.

புத்தக வாசிப்பு என்பது வெறும் பொழுதுபோக்கு அல்ல; அது ஒரு பேராயுதம். வாசிப்பு மூலம் தமிழ்நாட்டின் ஒவ்வொரு வீட்டிலும் பரவ வேண்டும் என்பதே இந்த அரசின் இலக்கு.

முதலமைச்சரின் இந்த அறிவிப்புகள், தமிழைப் பிற மாநில மொழிகளுடன் இணைக்கும் ஒரு பாலமாகப் பார்க்கப்படுகிறது. குறிப்பாக, ₹5 லட்சம் பரிசுத் தொகையுடன் கூடிய தேசிய அளவிலான விருது, பிற மொழி எழுத்தாளர்களையும் தமிழ்நாட்டை நோக்கித் திரும்பிப் பார்க்க வைக்கும்.

திராவிட இயக்கத்தின் சமூக நீதிக் கொள்கைகளை உலக நாடுகளுக்குக் கொண்டு செல்ல வேண்டும் என்ற முதல்வரின் அழைப்பு, தமிழகத்தின் அடையாளத்தைச் சர்வதேச அளவில் நிலைநிறுத்தும் முயற்சியாகும்.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now