தங்கம் விலை அதிரடி உயர்வு..! நகைப்பிரியர்கள் கடும் அதிர்ச்சி..!

by Vignesh Perumal on | 2025-12-26 12:17 PM

Share:

தங்கம் விலை அதிரடி உயர்வு..! நகைப்பிரியர்கள் கடும் அதிர்ச்சி..!

சென்னையில் ஆபரணத் தங்கத்தின் விலை இன்று மீண்டும் விண்ணைத் தொடும் அளவுக்கு உயர்ந்துள்ளது. வரலாற்றிலேயே இல்லாத வகையில், ஒரு சவரன் தங்கம் ஒரு லட்சத்து மூவாயிரம் ரூபாயைக் கடந்து புதிய சாதனை படைத்துள்ளது.

சென்னையில் இன்றைய வர்த்தகத் தொடக்கத்தில் தங்கம் விலை சவரனுக்கு ரூ.560 வரை உயர்ந்துள்ளது. ஒரு கிராம் தங்கம் நேற்று விற்பனை செய்யப்பட்ட விலையை விட உயர்ந்து, இன்று ரூ.12,890-க்கு விற்பனை செய்யப்படுகிறது. ஒரு சவரன் தங்கம் சவரனுக்கு ரூ.560 உயர்ந்து, இன்று ரூ.1,03,120-க்கு விற்பனை செய்யப்படுகிறது.

சர்வதேச சந்தையில் நிலவும் பொருளாதார மந்தநிலை, மத்திய கிழக்கு நாடுகளில் நிலவும் போர் பதற்றங்கள் மற்றும் உலகளாவிய முதலீட்டாளர்கள் தங்கத்தின் மீது முதலீடு செய்வதில் காட்டும் ஆர்வம் ஆகியவை இந்த விலையேற்றத்திற்கு முக்கியக் காரணங்களாகக் கூறப்படுகின்றன. 2025-ம் ஆண்டு இறுதிக்குள் தங்கம் விலை இந்த அளவிற்கு உயர்ந்திருப்பது நடுத்தர வர்க்கத்தினருக்குப் பெரும் சுமையாக மாறியுள்ளது.

தங்கத்தைப் போலவே வெள்ளியின் விலையும் இன்று உயர்வுடன் காணப்படுகிறது. ஒரு கிராம் வெள்ளி ரூ.105-ஐத் தாண்டி விற்பனை செய்யப்படுகிறது. இது வெள்ளி ஆபரணங்கள் வாங்குபவர்களுக்கும் கூடுதல் செலவை ஏற்படுத்தியுள்ளது.

திருமண சீசன் நெருங்கி வரும் வேளையில், தங்கம் விலை ஒரு லட்சத்தையும் கடந்து கிடுகிடுவென உயர்ந்து வருவது சாமானிய மக்களிடையே பெரும் கவலையை ஏற்படுத்தியுள்ளது.

மேற்கூறிய விலையானது கடைக்குக் கடை மாறுபடலாம். மேலும், இந்த விலையுடன் 3% ஜிஎஸ்டி (GST) மற்றும் கடைக்காரர்கள் விதிக்கும் செய்கூலி, சேதாரம் போன்ற கூடுதல் கட்டணங்கள் சேர்க்கப்படும் போது, ஒரு சவரன் நகை வாங்க சுமார் ரூ.1,12,000 வரை செலவாக வாய்ப்புள்ளது.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now