பத்திரிகையாளர்களை பிளவுபடுத்த முயற்சிக்கும் சக்திகளை கண்டிக்கின்றோம்...!!!

by admin on | 2025-12-14 07:31 AM

Share:

பத்திரிகையாளர்களை பிளவுபடுத்த முயற்சிக்கும் சக்திகளை கண்டிக்கின்றோம்...!!!

*கருத்துச் சுதந்திரப் பாதுகாப்பு: ஒற்றுமையைப் பிளவுபடுத்த முயல்வோருக்குக் கண்டனம்!*

மதிப்பிற்குரிய பத்திரிக்கை துறை நண்பர்களுக்கு வணக்கம்.

இந்திய ஜனநாயகத்தின் தூணாகத் திகழும் கருத்துச் சுதந்திரத்தைப் பாதுகாப்பது நமது கடமை. இந்திய அரசியலமைப்புச் சட்டம் ஒவ்வொரு குடிமகனுக்கும், குறிப்பாகப் பத்திரிகைச் சகோதரர்களுக்கும் வழங்கியுள்ள இந்த அடிப்படை உரிமை, நமது தொழில் தர்மத்தின் அடித்தளமாக விளங்குகிறது.

சமீபத்தில், ஒரு சக பத்திரிகையாளர் தெரிவித்த பொதுவான கருத்து ஒன்றை உள்நோக்கத்துடன் திரித்து, தொடர்பே இல்லாத ஒரு விவகாரத்திற்காகப் 'பத்திரிகையாளர் சங்கம்' என்ற பெயரில் சில அமைப்புகள் புகார் அளித்திருப்பது மிகுந்த கவலை அளிக்கிறது.ஒரு நியாயமான கருத்தை தவறாகப் புரிந்துகொண்டு அல்லது உள்நோக்கத்துடன் திரித்து, சம்பந்தமில்லாத ஒரு விவகாரத்துடன் இணைத்துப் புகார் அளிப்பது என்பது, கருத்துச் சுதந்திரத்தை நசுக்க முற்படும் மிகவும் தவறான மற்றும் கண்டனத்திற்குரிய செயலாகும். இது சுதந்திரமான ஊடகத்தின் குரலை ஒடுக்க எடுக்கப்படும் நேரடியான முயற்சி.இந்தச் சம்பவம் தொடர்பாக, பாதிக்கப்பட்ட நண்பர் பிரபுவிடம், சட்டரீதியான பதில் புகாரைத் தாக்கல் செய்ய ஆசிரியர் குழு சார்பாக வினவியபோது, அவர் தனது உயரிய பெருந்தன்மையுடன், "அறியாமையில் அவர்கள் செய்யும் செயலுக்கு நாமும் முக்கியத்துவம் கொடுத்து நம் நேரத்தை வீணடிக்கத் தேவையில்லை," என்று பதிலளித்தார்.

சட்டரீதியான நடவடிக்கைக்கான வாய்ப்பு இருந்தும், அற்பமான புகார்கள் மூலம் கருத்துச் சுதந்திரத்தைப் முடக்கும் முயற்சிகளுக்கு முக்கியத்துவம் அளிக்காமல், உயர்ந்த நிலையில் சிந்திக்கும் அவரது நிலைப்பாட்டை நாங்கள் பாராட்டுகிறோம்.சம்பந்தப்பட்ட பத்திரிகையாளர் சங்கங்கள் மற்றும் அமைப்புகள், தனிப்பட்ட காழ்ப்புணர்ச்சி அல்லது தவறான புரிதலின் அடிப்படையில் இத்தகைய செயல்களில் ஈடுபடுவதைத் தவிர்த்து, கருத்துச் சுதந்திரம் மற்றும் ஊடக தர்மத்தின் மாண்பைப் புரிந்துகொள்ள வேண்டும் என்று வலியுறுத்திக் கேட்டுக்கொள்கிறேன்.ஊடகத் துறையில் உள்ள அனைவரும் பொதுமக்களுக்கு முன்மாதிரியாகத் திகழ வேண்டும். தனிப்பட்ட சுயலாபத்திற்காகப் பழியைத் தீர்த்துக்கொள்ளவும், பத்திரிகையாளர்களுக்குள் உள்ள ஒற்றுமையைக் குலைக்கவும் முயற்சிக்கும் நபர்களுக்கு இந்தத் துறை ஒருபோதும் இடமளிக்காது.உண்மையின் பக்கம் நிற்கும் பத்திரிகையாளர்கள், ஆசிரியர்கள் அனைவரும் ஓரணியில் திரண்டு, ஒற்றுமையைக் குலைக்க முயலும் நபர்கள் மீது சட்டப்படி நடவடிக்கை எடுக்கப்படும் என்பதை இதன்மூலம் தெரிவித்துக் கொள்வதுடன், பத்திரிக்கையாளர்களை பிளவு படுக்கும் முயற்சிக்கு சக்திகளை வன்மையாக கண்டிக்கின்றோம்

தி.முத்து காமாட்சி எவிடன்ஸ் எடிட்டர்

WhatsApp Group Join Now