மர்மநபர் மாணவிக்கு பாலியல் தொல்லை..! பேருந்து ஊழியர்களுக்கு...! சரமாரியாக தாக்குதல்...!

by Vignesh Perumal on | 2025-09-18 12:46 PM

Share:

மர்மநபர் மாணவிக்கு பாலியல் தொல்லை..! பேருந்து ஊழியர்களுக்கு...! சரமாரியாக தாக்குதல்...!

சேலத்தில் பேருந்தில் பயணித்த 16 வயது நர்சிங் மாணவிக்கு, அடையாளம் தெரியாத நபர் ஒருவர் கண்ணடித்து சைகை காட்டியுள்ளார். இது குறித்து நடத்துநரிடம் மாணவி புகார் அளித்தும் அவர் எந்த நடவடிக்கையும் எடுக்காததால், ஆத்திரமடைந்த மாணவியின் உறவினர்கள் பேருந்து நடத்துநர் மற்றும் ஓட்டுநரைத் தாக்கியுள்ளனர்.

சேலம் மாவட்டத்தைச் சேர்ந்த 16 வயது நர்சிங் மாணவி ஒருவர், இன்று (செப்டம்பர் 18, 2025) சேலத்திலிருந்து ஒரு தனியார் பேருந்தில் பயணித்துள்ளார். அப்போது, பேருந்தில் பயணித்த அடையாளம் தெரியாத நபர் ஒருவர் மாணவிக்குப் பாலியல் தொந்தரவு கொடுக்கும் விதமாக, கண்ணடித்து சைகை காட்டியுள்ளார். இதனால் பயந்துபோன மாணவி, உடனடியாக இது குறித்துப் பேருந்தின் நடத்துநரிடம் புகார் அளித்துள்ளார்.

ஆனால், நடத்துநர் எந்த நடவடிக்கையும் எடுக்காமல் அலட்சியமாக இருந்துள்ளார். இதனைத் தொடர்ந்து, பேருந்து நிறுத்தம் வந்ததும், மாணவி தனது உறவினர்களுக்கு நடந்த சம்பவத்தைத் தெரிவித்தார்.

இதனால் ஆத்திரமடைந்த மாணவியின் உறவினர்கள், பேருந்து ஓட்டுநரான தனபால் மற்றும் நடத்துநரான திருமுருகன் ஆகியோரிடம் வாக்குவாதம் செய்தனர். நடத்துநர் மற்றும் ஓட்டுநர் அலட்சியமாகப் பதிலளித்ததால், வாக்குவாதம் முற்றி, மாணவியின் உறவினர்கள் இருவரையும் கடுமையாகத் தாக்கியுள்ளனர்.

சம்பவம் குறித்து தகவல் அறிந்த சேலம் டவுன் காவல்துறையினர், உடனடியாக சம்பவ இடத்திற்கு விரைந்து வந்தனர். பேருந்து ஊழியர்களைத் தாக்கிய ஆறுமுகம் மற்றும் பாலு ஆகிய இருவரையும் போலீசார் கைது செய்தனர்.

இந்தச் சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர். பொதுமக்கள் மத்தியில், பெண்களுக்குப் பாதுகாப்பற்ற நிலை குறித்து இது ஒரு கவலையை ஏற்படுத்தியுள்ளது.

ஆசிரியர்கள் குழு......

WhatsApp Group Join Now