மாஸ்டர் பிளான்...! கையும் களவுமாக சிக்கிக்கொண்ட கடத்தல் கும்பல்...! இருவர் கைது...!

by Vignesh Perumal on | 2025-08-12 10:47 AM

Share:

மாஸ்டர் பிளான்...! கையும் களவுமாக சிக்கிக்கொண்ட கடத்தல் கும்பல்...! இருவர் கைது...!

சிங்கப்பூரில் இருந்து கோயம்புத்தூர் வந்த ஸ்கூட் (SCOOT) விமானத்தில் பெரும் கஞ்சா கடத்தல் கும்பலைச் சேர்ந்த இரண்டு பேரை சுங்கத்துறை அதிகாரிகள் கைது செய்துள்ளனர். அவர்களிடமிருந்து சுமார் 6.7 கிலோ கஞ்சா பறிமுதல் செய்யப்பட்டுள்ளது, இதன் சர்வதேச மதிப்பு சுமார் 7 கோடி ரூபாய் என மதிப்பிடப்பட்டுள்ளது.

இன்று (ஆகஸ்ட் 12, 2025) காலை, சிங்கப்பூரில் இருந்து கோயம்புத்தூர் பன்னாட்டு விமான நிலையத்திற்கு வந்த ஸ்கூட் விமானத்தில் (Scoot Airlines), சந்தேகத்திற்குரிய இரண்டு பயணிகளைச் சுங்கத்துறை நுண்ணறிவுப் பிரிவு அதிகாரிகள் சோதனையிட்டனர்.

அந்தப் பயணிகளின் உடமைகளைச் சோதித்தபோது, அதில் மறைத்து வைக்கப்பட்டிருந்த 6.7 கிலோ கஞ்சா பொட்டலங்கள் கண்டுபிடிக்கப்பட்டன. அதன் மதிப்பு இந்திய மதிப்பில் சுமார் 7 கோடி ரூபாய் இருக்கும் என அதிகாரிகள் தெரிவித்தனர்.

கஞ்சாவைக் கடத்தி வந்ததாகக் கூறப்படும், கேரளாவைச் சேர்ந்த பஹத் மோன் முஜீப் மற்றும் சுஹைல் வாழமத் உபைதுல்லா ஆகிய இருவரும் கைது செய்யப்பட்டனர்.

கைது செய்யப்பட்ட இருவரிடமும் சுங்கத்துறை அதிகாரிகள் தீவிர விசாரணை மேற்கொண்டு வருகின்றனர். இந்தக் கஞ்சா எங்கிருந்து வந்தது, யாருக்குக் கொண்டு செல்லப்பட்டது, சர்வதேச கடத்தல் கும்பலுக்கு இவர்களுக்கும் என்ன தொடர்பு என்பது குறித்த விசாரணைகள் நடைபெற்று வருகின்றன.

கோயம்புத்தூர் விமான நிலையத்தில் நடந்த இந்தக் கஞ்சா கடத்தல், அப்பகுதியில் பெரும் பரபரப்பை ஏற்படுத்தியுள்ளது.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now