அரசால் தடை செய்யப்பட்ட விற்பனை...! ஒருவர் கைது...!

by Vignesh Perumal on | 2025-07-02 01:20 PM

Share:

அரசால் தடை செய்யப்பட்ட விற்பனை...! ஒருவர் கைது...!

திண்டுக்கல் மாவட்டம் சின்னாளப்பட்டியில், அரசால் தடை செய்யப்பட்ட லாட்டரி சீட்டுகளை விற்பனை செய்ததாக முகமதுபாரூக் (49) என்ற நபர் கைது செய்யப்பட்டுள்ளார். அவரிடமிருந்து 56 லாட்டரி சீட்டுகள் பறிமுதல் செய்யப்பட்டன.

திண்டுக்கல் புறநகர் துணை காவல் கண்காணிப்பாளர் (DSP) சிபிசாய் சௌந்தர்யன் உத்தரவின் பேரில், சின்னாளப்பட்டி காவல் நிலைய ஆய்வாளர் வசந்தகுமார் தலைமையிலான காவல்துறையினர், அப்பகுதியில் தீவிர ரோந்து மற்றும் கண்காணிப்புப் பணியில் ஈடுபட்டிருந்தனர்.

அப்போது, சின்னாளப்பட்டி அய்யப்பன் கோவில் அருகே திண்டுக்கல் பேகம்பூர் பகுதியைச் சேர்ந்த முகமதுஉசேன் மகன் முகமதுபாரூக் (49) என்பவர், அரசால் தடை செய்யப்பட்ட லாட்டரி சீட்டுகளை விற்பனை செய்து கொண்டிருந்தது கண்டுபிடிக்கப்பட்டது.

உடனடியாக செயல்பட்ட காவல்துறையினர், முகமதுபாரூக்கை கைது செய்தனர். அவரிடமிருந்து 56 தடை செய்யப்பட்ட லாட்டரி சீட்டுகளைப் பறிமுதல் செய்தனர்.

கைது செய்யப்பட்ட முகமதுபாரூக் மீது வழக்கு பதிவு செய்யப்பட்டு, இது தொடர்பாக காவல்துறையினர் மேலும் விசாரணை மேற்கொண்டு வருகின்றனர். சட்டவிரோத லாட்டரி விற்பனையில் வேறு யாரேனும் ஈடுபட்டுள்ளார்களா என்பது குறித்தும் விசாரணை நடைபெற்று வருகிறது.

அரசால் தடை செய்யப்பட்ட லாட்டரி சீட்டுகளின் விற்பனை சமூகத்தில் பல்வேறு பிரச்சனைகளை உருவாக்குவதோடு, பொதுமக்கள் பணத்தை இழக்கவும் காரணமாகிறது. இத்தகைய சட்டவிரோத செயல்களில் ஈடுபடுபவர்கள் மீது கடுமையான நடவடிக்கை எடுக்கப்படும் என காவல்துறையினர் எச்சரித்துள்ளனர்.

செய்தி-மோகன் கணேஷ் திண்டுக்கல்.

WhatsApp Group Join Now