அரசியலில் புது திருப்பம்...! 2026-ல் எடப்பாடி பழனிசாமி தனி ஆட்சி அமைப்பார்....! தம்பிதுரை உறுதி...!

by Vignesh Perumal on | 2025-04-17 12:26 PM

Share:

அரசியலில் புது திருப்பம்...! 2026-ல் எடப்பாடி பழனிசாமி தனி ஆட்சி அமைப்பார்....! தம்பிதுரை உறுதி...!

2026-ம் ஆண்டு நடைபெற உள்ள சட்டமன்ற தேர்தலில் அதிமுக தனித்து போட்டியிட்டு வெற்றி பெறும் என்றும், எடப்பாடி பழனிசாமி தலைமையிலான தனி ஆட்சி அமையும் என்றும் அதிமுக எம்.பி. தம்பிதுரை திட்டவட்டமாக தெரிவித்துள்ளார்.

கரூர் மாவட்டம் அரவக்குறிச்சியில் அதிமுக செயல்வீரர்கள் கூட்டம் நடைபெற்றது. இதில் பங்கேற்ற தம்பிதுரை செய்தியாளர்களிடம் பேசுகையில், "தமிழகத்தில் கூட்டணி ஆட்சிக்கு வாய்ப்பே இல்லை. காமராஜர், அண்ணா, எம்.ஜி.ஆர். போன்ற தலைவர்கள் தனித்தே ஆட்சி அமைத்தனர். இதுவரை தமிழகத்தில் எந்த தேர்தலிலும் கூட்டணி ஆட்சி நடந்ததில்லை. 2026-ல் எடப்பாடி பழனிசாமி தலைமையில் அதிமுக தனித்து ஆட்சி அமைக்கும்" என்று தெரிவித்தார்.

மேலும், "திமுக ஆட்சி மீது மக்கள் அதிருப்தியில் உள்ளனர். அதிமுக ஆட்சியில் கொண்டுவரப்பட்ட திட்டங்களை திமுக அரசு நிறுத்திவிட்டது. இதனால் மக்கள் கடும் அதிருப்தியில் உள்ளனர். அதிமுக ஆட்சியில் கொண்டுவரப்பட்ட திட்டங்களை மீண்டும் செயல்படுத்த வேண்டும் என்று மக்கள் கோரிக்கை வைக்கின்றனர்" என்றார்.

அதிமுகவின் இந்த நிலைப்பாடு, 2026 சட்டமன்றத் தேர்தலை ஒட்டிய அரசியல் சூழலில் பெரும் விவாதத்தை ஏற்படுத்தியுள்ளது. அதிமுக கூட்டணி ஆட்சிக்கு தயாராக இல்லை என்பதை தம்பிதுரை திட்டவட்டமாக அறிவித்துள்ளார். இது, பிற கட்சிகளுடன் தேர்தல் கூட்டணி அமைப்பதில் குறிப்பிடத்தக்க தாக்கத்தை ஏற்படுத்தும் என அரசியல் நோக்கர்கள் கருதுகின்றனர்.

மேலும், அதிமுக தனித்து போட்டியிட்டு வெற்றி பெறும் என்று தம்பிதுரை நம்பிக்கையுடன் தெரிவித்துள்ளார். இது, அதிமுக தொண்டர்களிடையே உற்சாகத்தை ஏற்படுத்தியுள்ளது.

WhatsApp Group Join Now