விவசாய சங்கத் தலைவர் பி.ஆர். பாண்டியனுக்கு...! 13 ஆண்டுகள் சிறைத் தண்டனை...! நீதிமன்றம் உத்தரவு..!

by Vignesh Perumal on | 2025-12-06 07:30 PM

Share:

விவசாய சங்கத் தலைவர் பி.ஆர். பாண்டியனுக்கு...! 13 ஆண்டுகள் சிறைத் தண்டனை...! நீதிமன்றம் உத்தரவு..!

விவசாய நிலங்களைப் பாதிக்கும் வகையில் ஓஎன்ஜிசி எண்ணெய் எடுக்கும் பணிகளுக்கு எதிராகப் போராடிய வழக்கில், தமிழக விவசாய சங்க ஒருங்கிணைப்புக் குழுத் தலைவர் பி.ஆர். பாண்டியனுக்கு திருவாரூர் மாவட்ட நீதிமன்றம் இன்று (டிசம்பர் 6, 2025) 13 ஆண்டுகள் சிறைத் தண்டனை விதித்துத் தீர்ப்பளித்துள்ளது.

கடந்த 2015ஆம் ஆண்டு, திருவாரூர் மாவட்டம் விக்கிரபாண்டியபுரத்தில் ஓஎன்ஜிசி நிறுவனம் ஆழ்துளைக் கிணறுகள் அமைத்து எண்ணெய் எடுக்கும் பணிகளை மேற்கொண்டது.

இந்தப் பணிகளால் விவசாய நிலங்கள் பாதிக்கப்படுவதாகக் குற்றம் சாட்டி, பி.ஆர். பாண்டியன் தலைமையில் தமிழக விவசாய சங்க ஒருங்கிணைப்புக் குழுவினர் போராட்டத்தில் ஈடுபட்டனர்.

போராட்டத்தின்போது, ஓஎன்ஜிசி நிறுவனத்தின் தளவாடங்கள் சேதப்படுத்தப்பட்டதாகக் கூறி, பி.ஆர். பாண்டியன் மீது வழக்குப் பதிவு செய்யப்பட்டது.

இந்த வழக்கின் விசாரணை திருவாரூர் மாவட்ட நீதிமன்றத்தில் நடைபெற்று வந்தது. விசாரணை முடிவடைந்த நிலையில், இன்று மாவட்ட நீதிமன்றம் தீர்ப்பளித்தது.

பொதுச்சொத்துகளுக்குச் சேதம் விளைவித்தது உள்ளிட்ட பிரிவுகளின் கீழ் குற்றம் நிரூபிக்கப்பட்டதால், தமிழக விவசாய சங்க ஒருங்கிணைப்புக் குழுத் தலைவர் பி.ஆர். பாண்டியனுக்கு 13 ஆண்டுகள் சிறைத் தண்டனை விதித்து நீதிமன்றம் உத்தரவிட்டது.

விவசாயிகள் நலனுக்காகப் போராடிய தலைவர் ஒருவருக்கு நீண்ட சிறைத் தண்டனை விதிக்கப்பட்டிருப்பது விவசாய மற்றும் அரசியல் வட்டாரங்களில் அதிர்ச்சியை ஏற்படுத்தியுள்ளது.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now