உயிரிழந்தோர் குடும்பங்களுக்கு ரூ. 2 லட்சம் நிவாரணம்...! பிரதமர் இரங்கல்..!

by Vignesh Perumal on | 2025-12-01 11:37 AM

Share:

உயிரிழந்தோர் குடும்பங்களுக்கு ரூ. 2 லட்சம் நிவாரணம்...! பிரதமர் இரங்கல்..!

சிவகங்கை மாவட்டம் கும்பங்குடி அருகே இரண்டு பேருந்துகள் நேருக்கு நேர் மோதிய விபத்தில் உயிரிழந்தவர்களின் குடும்பங்களுக்குப் பிரதமர் நரேந்திர மோடி அவர்கள் ஆழ்ந்த இரங்கலைத் தெரிவித்ததுடன், நிவாரண உதவியையும் அறிவித்துள்ளார்.

சிவகங்கை மாவட்டம், கும்பங்குடி பகுதியில் இன்று (டிசம்பர் 1, 2025) நிகழ்ந்த கோரமான சாலை விபத்தில் 11 பேர் உயிரிழந்தனர் மற்றும் பலர் காயமடைந்தனர். இந்தச் சம்பவம் குறித்து அறிந்த பிரதமர் நரேந்திர மோடி அவர்கள் தனது சமூக வலைத்தளப் பதிவு மூலம் இரங்கல் தெரிவித்துள்ளார்.

"சிவகங்கை கும்பங்குடியில் இரண்டு பேருந்துகள் நேருக்கு நேர் மோதிய விபத்தில் ஏற்பட்ட உயிரிழப்புகள் மிகுந்த வேதனை அளிக்கிறது. உயிரிழந்தவர்களின் குடும்பங்களுக்கு எனது ஆழ்ந்த இரங்கல்கள். காயமடைந்தவர்கள் விரைவில் குணமடையப் பிரார்த்திக்கிறேன்" எனப் பிரதமர் மோடி தெரிவித்துள்ளார்.

உயிரிழந்தவர்களின் குடும்பங்களுக்கு ஆறுதல் அளிக்கும் வகையில், பிரதமரின் தேசிய நிவாரண நிதியிலிருந்து (PMNRF) நிவாரணத் தொகையையும் பிரதமர் அறிவித்துள்ளார்.

உயிரிழந்தவர்களின் குடும்பங்களுக்கு ₹2 லட்சம் வழங்கப்படும். மேலும் விபத்தில் காயமடைந்தவர்களுக்கு ₹50,000 நிவாரணம் வழங்கப்படும்.

இந்த விபத்தில் பாதிக்கப்பட்ட குடும்பங்களுக்குத் தேவையான உதவிகளைத் தமிழக அரசும், மாவட்ட நிர்வாகமும் விரைந்து செய்ய வேண்டும் எனப் பிரதமர் மோடி கேட்டுக்கொண்டுள்ளார்.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now