அதிர்ச்சிச் செய்தி...! மதுரை உயர் நீதிமன்றம் முன்...! போலீஸ் தற்கொலை..!

by Vignesh Perumal on | 2025-11-27 11:52 AM

Share:

அதிர்ச்சிச் செய்தி...! மதுரை உயர் நீதிமன்றம் முன்...! போலீஸ் தற்கொலை..!

மதுரை உயர் நீதிமன்றத்தின் முன் பாதுகாப்புப் பணியில் ஈடுபட்டிருந்த சிறப்பு காவல்படை வீரர் ஒருவர், இன்று (நவம்பர் 27, 2025) துப்பாக்கியால் தன்னைத் தானே சுட்டு தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது.

தற்கொலை செய்துகொண்ட காவலர், மதுரை மாவட்டம், எழுமலை கோட்டைப்பட்டியைச் சேர்ந்த மகாலிங்கம் (30) என அடையாளம் காணப்பட்டுள்ளார். இவர் 2023 ஆம் ஆண்டு பணியில் சேர்ந்த சிறப்பு காவல்படை வீரர் ஆவார்.

மதுரை உயர் நீதிமன்றம் அமைந்துள்ள பகுதியின் முன் பாதுகாப்புப் பணியில் மகாலிங்கம் ஈடுபட்டிருந்தபோது, யாரும் எதிர்பாராத விதமாகத் தன்னிடமிருந்த துப்பாக்கியால் நெஞ்சில் சுட்டுக்கொண்டு தற்கொலை செய்துகொண்டார்.

காவலர் மகாலிங்கம் தற்கொலை செய்துகொள்வதற்கு முன் தற்கொலைக் கடிதம் ஒன்றை எழுதி வைத்திருந்ததாகக் காவல்துறை வட்டாரங்கள் தெரிவிக்கின்றன. இந்தக் கடிதத்தின் உள்ளடக்கங்கள் குறித்து உடனடியாகத் தகவல் வெளியிடப்படவில்லை.

இந்தச் சம்பவம் குறித்துத் தகவல் அறிந்ததும், மதுரை உயர் நீதிமன்ற காவல்நிலைய காவல்துறையினர் சம்பவ இடத்துக்கு விரைந்து வந்தனர். மகாலிங்கத்தின் உடலைக் கைப்பற்றி பிரேதப் பரிசோதனைக்காக அனுப்பி வைத்தனர். மேலும், தற்கொலைக்கான காரணம் என்ன, பணிச்சுமையா அல்லது தனிப்பட்ட பிரச்சினையா என்பது குறித்து தீவிர விசாரணை மேற்கொண்டு வருகின்றனர்.

பணியில் சேர்ந்து குறுகிய காலமே ஆன இளம் காவலர் ஒருவர் தற்கொலை செய்துகொண்டது சக காவலர்கள் மத்தியிலும், அப்பகுதி மக்களிடையேயும் சோகத்தையும் அதிர்ச்சியையும் ஏற்படுத்தியுள்ளது.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now