வலையபட்டி, வெம்பக்கோட்டை ஊராட்சிகளில் ஆவணங்களை காணவில்லை...???

by admin on | 2025-10-15 04:52 AM

Share:

வலையபட்டி, வெம்பக்கோட்டை ஊராட்சிகளில் ஆவணங்களை காணவில்லை...???

*ஊழல் கோட்டை வெம்பக்கோட்டை?*

* *வலையபட்டி பஞ்சாயத்தில் ஆவணங்கள் மாயமானதா?? பெரும் பரபரப்பு!*

: விருதுநகர் மாவட்டம், வெம்பக்கோட்டை யூனியன், வலையபட்டி கிராம ஊராட்சியில் 2020 முதல் 2025 வரையிலான காலகட்டத்தில் நடந்ததாகக் கூறப்படும் மெகா ஊழல் விவகாரம் தற்போது பூதாகரமாக வெடித்துள்ளது. முறைகேடுகளை அம்பலப்படுத்த களமிறங்கிய சமூக ஆர்வலர் பொன்னுத்துரைக்கு ஆவணங்களை வழங்காமல், அதிகாரிகள் கூட்டு சேர்ந்து ஊழலை மறைக்க சதி செய்வதாகத் திடுக்கிடும் குற்றச்சாட்டுகள் எழுந்துள்ளன.

அதிகாரிகளின் கூட்டு சதி? *ஆவணங்களை ஆய்வு செய்ய மறுப்பு!*

வலையபட்டி கிராம ஊராட்சியில் ஐந்தாண்டு கால (2020-2025) ஆவணங்களில் முறைகேடுகள் நடந்திருப்பதாக வலுவான தகவல்கள் கிடைத்ததையடுத்து, கோபாலபுரத்தைச் சேர்ந்த சமூக ஆர்வலர் பொன்னுத்துரை, கடந்த 27/03/2025 அன்று தகவல் அறியும் உரிமைச் சட்டத்தின் கீழ் ஆவணங்களை ஆய்வு செய்யக் கோரி பொது தகவல் அலுவலரிடம் மனு அளித்தார்.

ஆனால், விதிமுறைகளை மீறி நீண்ட காலம் அலைக்கழிக்கப்பட்ட பிறகு, பலகட்ட போராட்டங்களுக்குப் பின்னரே 10/07/2025 அன்று வட்டார வளர்ச்சி அலுவலரிடம் இருந்து ஆய்வுக்கான அனுமதி கிடைத்தது. அனுமதி கிடைத்தும், ஆய்வுக்குச் சென்ற பொன்னுத்துரைக்கு அதிர்ச்சி காத்திருந்தது!

*முக்கிய ஆவணங்கள் மாயமான மர்மம்!*ஆய்வின்போது பல முக்கியமான பதிவேடுகள் (நோட்டுகள்) காணாமல் போயிருந்தது வெளிப்படையாகத் தெரிய வந்திருக்கிறது. இது, ஊழல் நடந்திருப்பதை உறுதிப்படுத்துவதாக சமூக ஆர்வலர் குற்றம் சாட்டியுள்ளார். அதிலும் குறிப்பாக, 2025 ஆம் ஆண்டுக்கான (தற்போதைய செயலாளர் அருள் செல்வி பொறுப்பு வகித்த காலம்) முழுமையான ஆவணங்கள் மறைக்கப்பட்டு, ஆய்வு செய்ய அனுப்பப்படவில்லை என்ற திடுக்கிடும் தகவல் வெளியாகியுள்ளது.

"ஆவணங்களில் ஊழல் அம்பலமாவதைத் தடுக்கவே, ஊராட்சி செயலாளர் மற்றும் அதிகாரிகள் கூட்டு சேர்ந்து ஆவணங்களை மறைத்துள்ளனர்" என பொன்னுத்துரை பகிரங்கமாகக் குற்றம் சாட்டியுள்ளார்.

*வட்டார வளர்ச்சி அலுவலர் மீது பகீர் குற்றச்சாட்டு:* ஊழலை மூடி மறைக்கும் செயல்!

கள ஆய்வு செய்யப்பட்ட 2021 முதல் 2024 வரையிலான ஆவணங்களின் நகல்களையும், 2025 ஆம் ஆண்டுக்கான ஆய்வுக்கான தேதியையும் கோரி மீண்டும் மனு அளித்தும், இதுநாள் வரையில் எந்த தகவலும், நகலும் அவருக்கு வழங்கப்படவில்லை.

ஆனால், இதைவிடப் பெரிய அதிர்ச்சி என்னவென்றால், வட்டார வளர்ச்சி அலுவலர், "கள ஆய்வு செய்யப்பட்ட அனைத்து ஆவணங்களும் 18/08/2025 அன்றைய தேதியில் சமூக ஆர்வலரால் பெற்றுக் கொள்ளப்பட்டன" என்று பொய் கூறி, கிராம ஊராட்சி ஊழலை மறைக்கும் கேவலமான செயலைச் செய்திருப்பதாகப் பொன்னுத்துரை ஆவேசமாகக் குற்றம் சாட்டியுள்ளார்.

பொதுத் தகவல் அலுவலரும் சட்டத்தைக் கடைப்பிடிக்காமல், ஊழலைக் காப்பாற்றும் செயலில் ஈடுபட்டுள்ளதாக அவர் சாடியுள்ளார்.

*முதலமைச்சரின் முகவரிக்கு மனு:* நடவடிக்கை எடுக்கக் கோரிக்கை!

இந்த ஒட்டுமொத்த ஊழல் மற்றும் அதிகாரிகளின் கூட்டுச் சதியை எதிர்த்து, சமூக ஆர்வலர் பொன்னுத்துரை, முதலமைச்சரின் முகவரியில் பொதுத் தகவல் அலுவலர்கள் மற்றும் ஊழல் அதிகாரிகளின் மீது கடும் நடவடிக்கை எடுக்கக் கோரி மனு அளித்துள்ளார். இருந்தபோதும், இதுவரை எந்த நடவடிக்கையும் எடுக்கப்படவில்லை என்றும், வட்டார வளர்ச்சி அலுவலர் தொடர்ந்து கிராம ஊராட்சி செயலாளர் மற்றும் பொதுத் தகவல் அலுவலரைக் காப்பாற்றும் செயலை செய்து வருவதாகவும் அவர் குற்றம் சாட்டியுள்ளார்.

நியாயம் வேண்டும்!:

சமூக ஆர்வலர் பொன்னுத்துரை, "சம்பந்தப்பட்ட ஆண்டிற்கான ஆவணங்களை உடனடியாகக் கைப்பற்றி, ஊழலை நிரூபித்து நியாயம் வழங்க வேண்டும். ஊழலை மறைக்கச் சதி செய்த அனைத்து அதிகாரிகளையும் நேர்மையான விசாரணைக்கு உட்படுத்தி, கடும் தண்டனை வழங்க வேண்டும்" என்று தமிழக அரசுக்கு உருக்கமான கோரிக்கை விடுத்துள்ளார்.இந்த விவகாரத்தில், தமிழக முதல்வர் தனி கவனம் செலுத்தி, ஊழல் அதிகாரிகளைக் கூண்டில் நிறுத்த வேண்டும் என்பதே பொதுமக்களின் எதிர்பார்ப்பாக உள்ளது.

T. முத்து காமாட்சி எவிடன்ஸ் எடிட்டர். 9842337244

WhatsApp Group Join Now