டெல்டா மாவட்டங்களுக்கு எச்சரிக்கை...!

by Vignesh Perumal on | 2025-07-30 02:54 PM

Share:

தமிழகத்தில் வெப்பநிலைக் கடுமை தொடரும் அதே வேளையில், டெல்டா மாவட்டங்கள் மற்றும் காரைக்கால் பகுதிகளுக்கு ஆகஸ்ட் முதல் வாரத்தில் கனமழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

சென்னை வானிலை ஆய்வு மையம் வெளியிட்டுள்ள அறிவிப்பின்படி, ஆகஸ்ட் 2 ஆம் தேதி தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை மாவட்டங்கள் மற்றும் காரைக்கால் பகுதிகளில் கனமழை பெய்யக்கூடும்.

மேலும், ஆகஸ்ட் 5 ஆம் தேதி வரை டெல்டா மாவட்டங்களான தஞ்சாவூர், திருவாரூர், நாகப்பட்டினம், மயிலாடுதுறை, அத்துடன் புதுச்சேரி மற்றும் காரைக்கால் ஆகிய பகுதிகளில் கனமழைக்கு வாய்ப்பு இருப்பதாகவும் வானிலை ஆய்வு மையம் தெரிவித்துள்ளது. தென்மேற்குப் பருவமழையின் தாக்கம் காரணமாக இந்த மழைப்பொழிவு இருக்கும் என எதிர்பார்க்கப்படுகிறது. விவசாயிகள் மற்றும் பொதுமக்கள் முன்னெச்சரிக்கை நடவடிக்கைகளை மேற்கொள்ளுமாறு அறிவுறுத்தப்பட்டுள்ளனர்.

மழைக்கான வாய்ப்புகள் இருந்தாலும், அடுத்த இரண்டு நாட்களுக்குத் தமிழகத்தில் அதிகபட்ச வெப்பநிலை இயல்பை விட 2 முதல் 4 டிகிரி செல்சியஸ் வரை அதிகரிக்கக்கூடும் என்றும் வானிலை ஆய்வு மையம் எச்சரித்துள்ளது. இதனால் பல மாவட்டங்களில் வெயிலின் தாக்கம் அதிகமாக இருக்கும்.

எனவே, பொதுமக்கள் முடிந்தவரை பகல் நேரங்களில் வெளியே செல்வதைத் தவிர்க்குமாறும், போதுமான அளவு நீர் அருந்துமாறும், உடலில் நீர்ச்சத்து குறையாமல் பார்த்துக்கொள்ளுமாறும் அறிவுறுத்தப்பட்டுள்ளது.

நிர்வாக ஆசிரியர்- பா.விக்னேஷ்பெருமாள்

WhatsApp Group Join Now