பிரபல கடத்தல் மன்னன் கைது...! 3 ஆண்டுகள் தலைமறைவு...! போதைப் பொருள் தடுப்புப் போலீஸ் அதிரடி..!

by Vignesh Perumal on | 2025-07-29 05:17 PM

Share:

பிரபல கடத்தல் மன்னன் கைது...! 3 ஆண்டுகள் தலைமறைவு...! போதைப் பொருள் தடுப்புப் போலீஸ் அதிரடி..!

புதுச்சேரியில் இருந்து இலங்கைக்கு கஞ்சா எண்ணெய் கடத்திய வழக்கில் கடந்த மூன்று ஆண்டுகளாகத் தலைமறைவாக இருந்து வந்த பிரபல கடத்தல் மன்னன் சிலுவை ராஜ், சென்னையில் வைத்து போதைப்பொருள் தடுப்பு பிரிவு போலீசாரால் கைது செய்யப்பட்டுள்ளார்.

சிலுவை ராஜ் மீது கடந்த 2022 ஆம் ஆண்டு, புதுச்சேரியில் இருந்து இலங்கைக்குக் கஞ்சா எண்ணெய் கடத்தியதாகக் குற்றச்சாட்டு எழுந்தது. இந்த வழக்கில் அவர் தேடப்பட்டு வந்த நிலையில், கடந்த மூன்று ஆண்டுகளாகத் தொடர்ந்து தலைமறைவாக இருந்து, போலீசாருக்குச் சவால் விடுத்து வந்தார். அவர் தனது இருப்பிடத்தை அடிக்கடி மாற்றி, போலீஸ் பிடியில் சிக்காமல் தப்பி வந்ததாகக் கூறப்படுகிறது.

சிலுவை ராஜ் குறித்த ரகசியத் தகவல் போதைப்பொருள் தடுப்பு பிரிவு போலீசாருக்குக் கிடைத்தது. அதன் அடிப்படையில், சென்னை வந்த சிலுவை ராஜை, போதைப்பொருள் தடுப்பு பிரிவு போலீசார் இன்று (செவ்வாய்க்கிழமை) அதிரடியாகக் கைது செய்தனர்.

கைது செய்யப்பட்ட சிலுவை ராஜ்ஜிடம், கஞ்சா எண்ணெய் கடத்தல் குறித்த மேலும் பல தகவல்களைப் பெறுவதற்காகப் போலீசார் தீவிர விசாரணை மேற்கொண்டு வருகின்றனர். இந்தக் கடத்தல் வழக்கில் வேறு யார் யாருக்குத் தொடர்பு உள்ளது, கடத்தல் நெட்வொர்க் எப்படிச் செயல்படுகிறது, இதன் பின்னணியில் உள்ள பெரிய கும்பல் யார் என்பது குறித்துப் போலீசார் விசாரித்து வருகின்றனர். பிரபல கடத்தல் மன்னன் சிலுவை ராஜ் கைது செய்யப்பட்டிருப்பது, போதைப் பொருள் கடத்தல் கும்பல்களுக்கு ஒரு பெரும் அடியாகக் கருதப்படுகிறது.

நிர்வாக ஆசிரியர்- பா.விக்னேஷ்பெருமாள்

WhatsApp Group Join Now