ஆட்டோ டிரைவருக்கு நேர்ந்த கொடூரம்...! 3 இளைஞர்கள் கைது...!

by Vignesh Perumal on | 2025-07-28 11:58 AM

Share:

ஆட்டோ டிரைவருக்கு நேர்ந்த கொடூரம்...! 3 இளைஞர்கள் கைது...!

திண்டுக்கல் நகர் பகுதியில் ஆட்டோ டிரைவர் ஒருவரிடம் ₹8,000 ரொக்கம் மற்றும் செல்போனை வழிப்பறி செய்த மூன்று இளைஞர்களைப் போலீசார் கைது செய்துள்ளனர். ஆட்டோ டிரைவரை மிரட்டித் தாக்கி இந்தச் சம்பவம் அரங்கேறியுள்ளது.

திண்டுக்கல் மேட்டுப்பட்டியைச் சேர்ந்த ஆட்டோ டிரைவர் செல்லத்துரை (27), நேற்று இரவு வடக்கு ரதவீதி பகுதியில் சென்று கொண்டிருந்தார். அப்போது, மூன்று இளைஞர்கள் அவரது ஆட்டோவை மறித்து, முத்தழகுப்பட்டி செல்ல வேண்டும் எனக் கூறி ஆட்டோவில் ஏறியுள்ளனர்.

முத்தழகுப்பட்டி பிரிவு அருகே ஆட்டோ சென்று கொண்டிருந்தபோது, அந்த மூன்று பேரும் திடீரென ஆட்டோவை நிறுத்தச் சொல்லி கீழே இறங்கினர். பின்னர், ஆட்டோ டிரைவர் செல்லத்துரையை கத்தியைக் காட்டி மிரட்டி, தாக்கியுள்ளனர். அதைத் தொடர்ந்து, அவரிடம் இருந்த ₹8,000 பணம் மற்றும் செல்போனைப் பறித்துக்கொண்டு அங்கிருந்து தப்பிச் சென்றுவிட்டனர்.

இந்தச் சம்பவம் குறித்து ஆட்டோ டிரைவர் செல்லத்துரை, திண்டுக்கல் நகர் வடக்கு காவல் நிலையத்தில் புகார் அளித்தார். புகாரின் அடிப்படையில், காவல் நிலைய ஆய்வாளர் வெங்கடாசலபதி தலைமையிலான போலீசார் அப்பகுதியில் தீவிர விசாரணை மேற்கொண்டனர்.

விசாரணையில், இந்த வழிப்பறிச் சம்பவத்தில் ஈடுபட்ட காமராஜபுரத்தைச் சேர்ந்த குமார் (25), ராஜபாண்டியைச் சேர்ந்த ராஜபாண்டி (37) மற்றும் முத்தழகுப்பட்டியைச் சேர்ந்த அருண்குமார் (35) ஆகிய மூன்று பேரையும் போலீசார் கைது செய்தனர்.

கைது செய்யப்பட்டவர்களிடம் போலீசார் தொடர்ந்து விசாரணை மேற்கொண்டு வருகின்றனர். இந்தச் சம்பவம் திண்டுக்கல் நகரப் பகுதியில் ஆட்டோ ஓட்டுநர்கள் மத்தியில் அச்சத்தை ஏற்படுத்தியுள்ளது.

நிர்வாக ஆசிரியர்- பா.விக்னேஷ்பெருமாள்.

WhatsApp Group Join Now