முறையாக கொலை செய்யத் தமிழ்நாடு அரசு அனுமதி...! அரசாணை வெளியீடு...!

by Vignesh Perumal on | 2025-07-27 10:23 AM

Share:

முறையாக கொலை செய்யத் தமிழ்நாடு அரசு அனுமதி...! அரசாணை வெளியீடு...!

தமிழ்நாடு அரசு, நோய்வாய்ப்பட்டு மிகுந்த சிரமப்படும் தெருநாய்களைக் கருணைக் கொலை செய்ய அனுமதி அளித்து அரசாணை வெளியிட்டுள்ளது. தெருநாய்களால் தொடர்ந்து ஏற்படும் பாதிப்புகள் மற்றும் அவற்றின் நலன் ஆகிய இரண்டையும் கருத்தில் கொண்டு இந்த முடிவு எடுக்கப்பட்டுள்ளதாகக் கால்நடைத் துறை தெரிவித்துள்ளது.

சுகாதாரமற்ற சூழல் மற்றும் நோய்களால் பாதிக்கப்பட்டு, மீள முடியாத அளவுக்குச் சிரமப்படும் தெருநாய்களின் துயரத்தைப் போக்கும் வகையிலும், அதே நேரத்தில் பொதுமக்களுக்குப் பாதுகாப்பை உறுதி செய்யும் வகையிலும் இந்த அரசாணை வெளியிடப்பட்டுள்ளது.

அரசாணையில் இடம்பெற்றுள்ள முக்கிய அம்சங்களில் கூறியதாவது: "நோய்வாய்ப்பட்டு, மீள முடியாத நிலையில் உள்ள தெருநாய்களைக் கருணைக் கொலை செய்ய அனுமதி. பதிவு செய்யப்பட்ட கால்நடை மருத்துவர்கள் மட்டுமே இந்தச் செயலை மேற்கொள்ள வேண்டும். கருணைக் கொலை செய்யப்படும் தெருநாய்கள், முறையாகவும், மனிதாபிமான அடிப்படையிலும் அடக்கம் செய்யப்பட வேண்டும். தெருநாய்களால் பொதுமக்களுக்கு ஏற்படும் தொடர்ச்சியான பாதிப்புகள் (கடிபடுதல், நோய்த்தொற்று போன்றவை) மற்றும் நாய்களின் உடல்நலன் ஆகிய இரண்டையும் கருத்தில் கொண்டு இந்த நடவடிக்கை எடுக்கப்பட்டுள்ளது.

இந்த அரசாணையின் மூலம், தெருநாய்கள் தொடர்பான பிரச்சனைகளுக்கு ஒரு தீர்வுகாண அரசு முயற்சிக்கிறது. இது விலங்குகள் நல ஆர்வலர்கள் மற்றும் பொதுமக்கள் மத்தியில் பல்வேறு கருத்துகளை எழுப்பியுள்ளது.

நிர்வாக ஆசிரியர்- பா.விக்னேஷ்பெருமாள்.

WhatsApp Group Join Now