பனிமய மாதா..! 443-வது திருவிழா...! கொடியேற்றத்துடன் விமரிசையாகத் தொடக்கம்..!

by Vignesh Perumal on | 2025-07-26 11:09 AM

Share:

பனிமய மாதா..! 443-வது திருவிழா...! கொடியேற்றத்துடன் விமரிசையாகத் தொடக்கம்..!

தென் தமிழகத்தின் புகழ்பெற்ற ஆன்மீகத் தலங்களில் ஒன்றான தூத்துக்குடி பனிமய மாதா பேராலயத்தின் 443-வது ஆண்டு திருவிழா, இன்று காலை கொடியேற்றத்துடன் விமரிசையாகத் தொடங்கியது. இந்த ஆண்டுத் திருவிழா அடுத்த 10 நாட்களுக்கு நடைபெறவுள்ளது.

இன்று காலை, பனிமய மாதா பேராலயத்தில் சிறப்புத் திருப்பலியைத் தொடர்ந்து, பாரம்பரிய முறைப்படி கொடியேற்றம் நடைபெற்றது. வண்ணமயமான கொடி ஊர்வலமாக எடுத்து வரப்பட்டு, பக்தர்கள் மத்தியில் "மாதாவுக்கே புகழ்" என்ற கோஷங்கள் முழங்க, ஆலய வளாகத்தில் உள்ள கொடிமரத்தில் ஏற்றப்பட்டது. கொடியேற்ற நிகழ்வில் தூத்துக்குடி மறைமாவட்ட ஆயர், கிறிஸ்தவக் குருமார்கள், ஆலய நிர்வாகிகள் மற்றும் பல்லாயிரக்கணக்கான பக்தர்கள் கலந்துகொண்டனர்.

இந்த 10 நாள் திருவிழா ஆகஸ்ட் 5 ஆம் தேதி வரை நடைபெற உள்ளது. திருவிழா நாட்களில் தினமும் காலை மற்றும் மாலை வேளைகளில் சிறப்புத் திருப்பலிகள், நற்கருணை ஆராதனைகள், மறையுரைகள் மற்றும் கலை நிகழ்ச்சிகள் நடைபெறுகின்றன. தமிழகத்தின் பல்வேறு பகுதிகளில் இருந்தும், அண்டை மாநிலங்களிலிருந்தும் பக்தர்கள் இங்கு வந்து அன்னையை வழிபடுவார்கள்.

ஆகஸ்ட் 5 ஆம் தேதி முக்கிய விழாவான அன்னையின் பெரிய தேர் பவனி நடைபெறவுள்ளது. தூத்துக்குடி நகர வீதிகளில் வண்ணமயமான தேரில் அன்னை பனிமய மாதா பவனி வந்து பக்தர்களுக்கு அருள் பாலிப்பார். இந்த நிகழ்வைக் காண லட்சக்கணக்கான பக்தர்கள் கூடுவார்கள் என எதிர்பார்க்கப்படுகிறது.

திருவிழாவையொட்டி தூத்துக்குடி நகரம் முழுவதும் வண்ண விளக்குகளால் அலங்கரிக்கப்பட்டுள்ளது. போக்குவரத்து மற்றும் பாதுகாப்பு ஏற்பாடுகளைக் காவல் துறை தீவிரப்படுத்தியுள்ளது.

நிர்வாக ஆசிரியர்- பா.விக்னேஷ்பெருமாள்.

WhatsApp Group Join Now