கோர விபத்து..! தலை நசுங்கி பெண் பலி..! பெரும் சோகம்...!

by Vignesh Perumal on | 2025-07-21 02:35 PM

Share:

கோர விபத்து..! தலை நசுங்கி பெண் பலி..! பெரும் சோகம்...!

திண்டுக்கல் மாவட்டம் பழனியை அடுத்த புது ஆயக்குடி பேருந்து நிறுத்தம் அருகே அரசுப் பேருந்து மோதியதில் இருசக்கர வாகனத்தில் வந்த பெண் ஒருவர் சம்பவ இடத்திலேயே தலைநசுங்கி உயிரிழந்தார். இச்சம்பவம் அப்பகுதியில் பெரும் சோகத்தையும், பரபரப்பையும் ஏற்படுத்தியுள்ளது.

இன்று காலை, பழனியை அடுத்த புது ஆயக்குடி பேருந்து நிறுத்தம் அருகே இருசக்கர வாகனத்தில் பயணித்துக் கொண்டிருந்த பெண் மீது, அவ்வழியாக வந்த அரசுப் பேருந்து எதிர்பாராதவிதமாக மோதியது. மோதிய வேகத்தில் இருசக்கர வாகனம் தூக்கி வீசப்பட்டது.

இந்தக் கோர விபத்தில் இருசக்கர வாகனத்தில் வந்த பெண் சம்பவ இடத்திலேயே தலை நசுங்கி பரிதாபமாக உயிரிழந்தார். தகவலறிந்து சம்பவ இடத்திற்கு விரைந்து வந்த பொதுமக்கள் மற்றும் போலீசார், சடலத்தை மீட்டு பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர்.

இந்த விபத்து குறித்து ஆயக்குடி போலீசார் வழக்குப் பதிவு செய்து தீவிர விசாரணை மேற்கொண்டு வருகின்றனர். விபத்துக்கான காரணம், அரசுப் பேருந்து ஓட்டுநரின் கவனக்குறைவா அல்லது வேறு ஏதேனும் காரணமா என்பது குறித்து போலீசார் விசாரித்து வருகின்றனர். இச்சம்பவம் அப்பகுதியில் பெரும் சோகத்தை ஏற்படுத்தியுள்ள நிலையில், சாலைப் பாதுகாப்பு குறித்த விழிப்புணர்வின் அவசியத்தையும் இது உணர்த்துகிறது.

ஆசிரியர்கள் குழு....

WhatsApp Group Join Now