மாவட்டம்
Chennai
5 மணி நேரப் போராட்டம்...! 70% கட்டுக்குள் வந்தது..! புதிய தகவல்...!
by Vignesh Perumal on | 2025-07-13 12:30 PM
திருவள்ளூர் அருகே இன்று (ஜூலை 13, 2025) அதிகாலை டீசல் டேங்கர் ரயிலில் ஏற்பட்ட பயங்கர தீ விபத்து, ஐந்து மணி நேரத்திற்கும் மேலாக எரிந்து கொண்டிருந்த நிலையில், தற்போது 70% தீ கட்டுக்குள் கொண்டுவரப்பட்டுள்ளதாக தீயணைப்புத்துறை தெரிவித்துள்ளது. சுமார் மதியம் 1 மணிக்குள் தீ முழுமையாகக் கட்டுக்குள் கொண்டுவரப்படும் என எதிர்பார்க்கப்படுகிறது.
சென்னை இந்தியன் ஆயில் நிறுவனத்தில் இருந்து பெங்களூருக்கு எரிபொருள் ஏற்றிச் சென்ற 52 பெட்டிகள் கொண்ட சரக்கு ரயில், திருவள்ளூர் அருகே தடம்புரண்டபோது டீசல் டேங்கர்களில் தீப்பிடித்தது. இந்த கோர தீ விபத்தில், சரக்கு ரயிலின் 18 டீசல் டேங்கர்கள் முற்றிலும் எரிந்து நாசமாகியுள்ளன. மேலும், டீசல் டேங்கில் இருந்து கொட்டிய எரிபொருள் காரணமாக தண்டவாளங்களும், ரயில்வே தடத்தில் உள்ள மின் கம்பங்களில் உள்ள மின் வயர்களும் சுமார் 200 மீட்டர் தூரத்திற்குச் சேதமடைந்துள்ளன.
அதிகாலை முதல் சம்பவ இடத்திற்கு விரைந்த தீயணைப்புத் துறையினர், ரயில்வே மீட்புப் படையினர் மற்றும் பிற அவசரகால சேவைப் பிரிவினர் இணைந்து தீயை அணைக்கும் பணியில் தீவிரமாக ஈடுபட்டு வருகின்றனர். எரிபொருள் தீ என்பதால், தீயை அணைப்பது பெரும் சவாலாக இருந்தது. நுரை மற்றும் சிறப்பு இரசாயனங்களைப் பயன்படுத்தி தீயை அணைக்கும் பணியில் ஈடுபட்டனர். தொடர்ந்து ஐந்து மணி நேரத்திற்கும் மேலாகப் போராடி, தீயைக் கட்டுக்குள் கொண்டு வந்துள்ளனர்.
தீ விபத்து காரணமாக ஏற்பட்ட புகை மூட்டம், திருவள்ளூர் மற்றும் அதைச் சுற்றியுள்ள பகுதிகளில் காற்றின் தரத்தை மோசமடையச் செய்துள்ளது. மத்திய மாசுக்கட்டுப்பாட்டு வாரியம், காற்றின் தரம் மிதமான அளவில் மோசமடைந்துள்ளதாகவும், காற்றில் நுண்துகள் பாதிப்பு அதிகரித்துள்ளதாகவும் தெரிவித்துள்ளது.
இந்த விபத்து காரணமாக சென்னை சென்ட்ரலில் இருந்து புறப்படவிருந்த வந்தே பாரத், சதாப்தி, சப்தகிரி, டபுள் டெக்கர், பிருந்தாவன் உள்ளிட்ட 8 ரயில்கள் ரத்து செய்யப்பட்டுள்ளன. மேலும், பல ரயில்கள் ஆங்காங்கே நிறுத்தப்பட்டுள்ளன அல்லது தாமதமாக இயக்கப்படுகின்றன. தண்டவாள சீரமைப்புப் பணிகள் நிறைவடைந்த பின்னரே ரயில் சேவை முழுமையாக இயல்பு நிலைக்குத் திரும்பும் என எதிர்பார்க்கப்படுகிறது.
தற்போது, தீயை முழுமையாக அணைக்கும் பணியில் தீயணைப்பு வீரர்கள் தொடர்ந்து ஈடுபட்டு வருகின்றனர். தீ விபத்துக்கான காரணம் மற்றும் சேத விவரங்கள் குறித்து ரயில்வே நிர்வாகமும், காவல்துறையும் தீவிர விசாரணை மேற்கொண்டு வருகின்றன.
நிர்வாக ஆசிரியர்- பா.விக்னேஷ்பெருமாள்.
WhatsApp Group
Join Now
Recent News
Search
Ads
Recent News
-
141 பொறியியல் கல்லூரிகளுக்கு நோட்டீஸ்...! மாணவர் சேர்க்கையில் பரபரப்பு..!
-
பா. ரஞ்சித் படப்பிடிப்பில் நேர்ந்த சோகம்:...! மாஸ்டர் மோகன்ராஜ் உயிரிழப்பு...!
-
சிறைக் காவலரை தாக்கிய பெண் கைதி...! பெரும் பரபரப்பு...!
-
ராணிப்பேட்டை அருகே பெரும் சோகம்...! 3 குழந்தைகள் சடலமாக மீட்பு...!
-
5 மணி நேரப் போராட்டம்...! 70% கட்டுக்குள் வந்தது..! புதிய தகவல்...!
Leave a Comment
CopyRight by TnEvidence Design and Developer All Reserved 2025